الماتىدا تاسقىننان جاپا شەككەن وڭىرلەرگە گۋمانيتارلىق كومەك قابىلدايتىن پۋنكت اشىلدى

الماتى قالاسى جاستار ساياساتى باسقارماسىنىڭ مالىمەتىنشە، گۋمانيتارلىق كومەك كەلەسى ساناتتارعا بولىنەدى:

- ازىق- تۇلىك

- اۋىز سۋ

- ءدارى- دارمەك پەن مەديتسينالىق ماقساتتاعى بۇيىمدار؛

- كيىم (جىلى كيىم، اياق كيىم، ءىش كيىم، شۇلىق جانە ت. ب. )

- زاتتار (كورپە، ۇيىقتايتىن قاپ، جاستىق جانە ت. ب. )

- تۇرمىستىق زاتتار (شاتىرلار، تەرموستار، شامدار، قۋاتتاعىشتار، شاينەكتەر، بالالار ىدىستارى جانە ت. ب. )؛

- گيگيەنالىق قۇرالدار (جورگەكتەر، ايەلدەر گيگيەناسى قۇرالدارى، سابىن، ءتىس پاستاسى، سۋسابىندار، مايلىقتار، دارەتحانا قاعازى، تازارتقىش زاتتار).

«گۋمانيتارلىق كومەك بايتۇرسىنوۆ كوشەسى، 22/1 مەكەنجايىندا قابىلدانادى. قابىلداۋ ۋاقىتى: 10:00-دەن 19:00-گە دەيىن. بۇكىل نيەت بىلدىرۋشىلەر المالى اۋدانىنىڭ كوميۋنيتي ورتالىعىنا حابارلاسىپ، قاجەتتى زاتتاردى تاپسىرا الادى. بايلانىس ءنومىرى: 16478؛ 77475400140» دەپ حابارلادى قالالىق جاستار ساياساتىنىڭ باسقارماسى.

ەسكە سالايىق، مەملەكەت باسشىسى ەلىمىزدەگى سۋ تاسقىنىنا بايلانىستى وتكەن كەڭەستە جاعدايدى قالىپقا كەلتىرۋ ءۇشىن شۇعىل شارالار قابىلداۋمەن قاتار، جۇيەلى جۇمىس قاجەت ەكەنىن ايتتى.

سونداي-اق ق ر پرەمەر-ءمينيسترى ولجاس بەكتەنوۆ سۋ تاسقىنىنان زارداپ شەككەندەردىڭ بارلىق شىعىنى وتەلەتىنىن مالىمدەگەن بولاتىن.

اۆتور

دۋمان ارعىنگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى