الماتىدا تاعى ءبىر ستۋدەنت ءوز-وزىنە قول جۇمسادى
الماتى. KAZINFORM - الماتىدا تاعى ءبىر ستۋدەنت قايتىس بولدى. بۇل تۋرالى Almaty Management University باسپا ءسوز قىزمەتى حابارلادى.
- ۋنيۆەرسيتەت ستۋدەنتىنىڭ قايتىس بولعانى تۋرالى قايعىرىپ حابارلايمىز. قازىرگى ۋاقىتتا وقيعانىڭ سەبەپتەرى مەن ءمان- جايلارىن قۇقىق قورعاۋ ورگاندارى انىقتاپ جاتىر. ۋنيۆەرسيتەت وقيعانىڭ بارلىق ءمان-جايىن انىقتاۋ ءۇشىن قۇقىق قورعاۋ ورگاندارىنا تولىق جاردەم كورسەتەدى، - دەپ حابارلادى Almaty Management University.
الماتى قالاسى پوليتسيا دەپارتامەنتى ستۋدەنت ولىمىنە بايلانىستى قىلمىستىق ءىس قوزعالعانىن حابارلادى.
- اتالعان دەرەك بويىنشا بوستاندىق اۋداندىق پوليتسيا باسقارماسى قىلمىستىق ءىس قوزعادى. وقيعانىڭ سەبەبى مەن ءمان- جايى انىقتالىپ جاتىر، - دەپ حابارلادى قالالىق پ د.
ەسكە سالايىق، بۇعان دەيىن الماتىدا جاس جىگىت كوپقاباتتى ۇيدەن سەكىرىپ كەتكەنىن جازعانبىز. وعان دەيىن 19 جاستاعى جىگىت الماتىداعى دوستىق داڭعىلىنداعى كوپقاباتتى ۇيدەن سەكىرىپ، مەرت بولدى.
