الماتىدا تاعى 211 زاڭسىز ساۋدا نىسانى بۇزىلدى

الماتى اكىمدىگىنىڭ مالىمەتىنشە، مەملەكەتتىك جانە قۇقىق قورعاۋ ورگاندارىنىڭ وكىلدەرى، ءماسليحات دەپۋتاتتارى مەن قوعامدىق كەڭەس مۇشەلەرىنەن قۇرالعان كوميسسيا شەشىمىمەن 211 زاڭسىز ساۋدا ورنى (102 دۇڭگىرشەك جانە 109 كۇش ولشەگىش) بۇزىلىپ، 270 كاسىپكەرگە ەسكەرتۋ حات بەرىلدى.

ايتا كەتۋ كەرەك، قىزمەت تۇرىنە قاراماستان، بارلىق زاڭسىز ساۋدا نىسانى بۇزىلىپ جاتىر. اسىرەسە، كوشە تاعامدارىن ساتاتىن ورىندار ەرەكشە نازارعا الىندى.

- زاڭسىز دۇڭگىرشەكتەر كوبىنەسە ارىقتاردىڭ ۇستىنە قويىلادى، سانيتارلىق نورما ساقتالماعان، دارەتحانا جوق. ولار مەكتەپتەردىڭ، بالالار جۇرەتىن ورىنداردىڭ جانىندا ورنالاسقان. كەيىن تاماقتان ۋلانۋى مۇمكىن ، - دەيدى قالا تۇرعىنى ەۆگەنيي بوگاچيەۆ.

قالانىڭ ءماسليحات دەپۋتاتى، كورىكتەندىرۋ ماسەلەلەرىمەن بەلسەندى اينالىسىپ جۇرگەن تيمۋر ەلەۋسىزوۆ بۇزىلعان ساۋدا ورىندارىنىڭ بارلىعى ەلەكتر جەلىلەرىنە زاڭسىز قوسىلعانىن، بۇل قالانىڭ ينفراقۇرىلىمىنا قوسىمشا جۇكتەمە تۇسىرەتىنىن اتاپ ءوتتى.

وسىعان دەيىن مەگاپوليستە 21 زاڭسىز ورناتىلعان دۇڭگىرشەك بۇزىلعانى تۋرالى جازعان ەدىك.

ايتا كەتەيىك، قالادا 157 ستاتسيونارلىق ەمەس ساۋدا نىساندارىن ورنالاستىرۋعا ارنالعان 142 ورىن بەكىتىلگەن.

ەسكە سالساق، بۇعان دەيىن ستاتسيونارلىق ەمەس زاڭسىز ساۋدا نىسانداردىڭ بۇزىلاتىنى تۋرالى جازعان ەدىك.

اۆتور
الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى