الماتىدا تاۋ تۋريزمىن دامىتۋدىڭ كەشەندى جوسپارى بەكىتىلەدى

قۇجاتتىڭ تۇسىندىرمە جازباسىندا اتالعان جوبانى قابىلداۋ الماتى قالاسى مەن الماتى وبلىسىنىڭ اۋماعىندا جانە تۇتاستاي العاندا ەلىمىزدە تۋريستىك سالانى دامىتۋعا، سونداي-اق تۋريستىك اعىمدى ۇلعايتۋعا سەپتىگىن تيگىزەتىنى ايتىلعان. سونىمەن قاتار قازاقستاننىڭ تۋريزمدى دامىتۋ باعىتىنداعى ۇستانىمىنا وڭ اسەر ەتەدى، قولايلى ينۆەستيتسيالىق احۋال جاسايدى.

سونداي-اق مينيسترلىك جوبا ەلىمىزگە تەرىس الەۋمەتتىك-ەكونوميكالىق جانە قۇقىقتىق سالدارعا اكەلمەيدى دەپ سەندىرىپ وتىر.

ايتا كەتسەك، الماتىدا تاۋ تۋريزمىن دامىتۋعا ارنالعان بەسجىلدىق كەشەندى جوسپاردى ىسكە اسىرۋعا رەسپۋبليكالىق جانە جەرگىلىكتى بيۋدجەتتەن قاراجات بولىنەدى.

الماتى تاۋ كلاستەرى تۋريزمىن دامىتۋ جوسپارىنان قانداي ناتيجە كۇتىلەدى:

- شەتەلدىك تۋريستەر سانىنىڭ 630 مىڭنان 1,8 ميلليون ادامعا دەيىن ارتۋى؛ 
- تۋريزم سالاسىندا جۇمىس ىستەيتىن جانداردىڭ 80,9 مىڭنان 106 مىڭ ادامعا دەيىن ارتۋى؛
- جەكە ينۆەستيتسيا كولەمى 196,3 ميلليارد تەڭگەگە جەتەدى؛
- سالىقتىق تۇسىمدەردىڭ 90,7 ميلليارد تەڭگەدەن 184,3 ميلليارد تەڭگەگە دەيىن ارتۋى؛

قۇجات جوباسى 19-اقپانعا دەيىن قوعامدىق تالقىلاۋعا ۇسىنىلىپ وتىر.

بۇعان دەيىن بيىل الماتى تاۋلارىندا جاڭا 3 كەمپينگ-ايماق اشىلاتىنى تۋرالى حابارلاعان ەدىك.

ەسكە سالساق، الماتىدا كۇن سايىن 50 دەن استام قۇتقارۋشى، 12 تەحنيكا جانە 19 يت كەزەكشىلىككە شىعىپ، توتەنشە جاعدايعا تاپ بولعان الماتىلىقتارعا كومەككە بارادى، ونىڭ ىشىندە تاۋعا شىققان تۋريستەر دە بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى