الماتىدا رەسپۋبليكا كۇنى قالاي تويلانىپ جاتىر

ءىس- شاراعا الماتى اكىمى ەربولات دوسايەۆ، قوعام قايراتكەرلەرى، ءماسليحات دەپۋتاتتارى، ۇەۇ وكىلدەرى، قالا جاستارى قاتىستى.

رەسپۋبليكا كۇنىنە ارنالعان ءىس- شارا «مەدەۋدە» قازاقستاندىق ەسترادا ارتىستەرىنىڭ قاتىسۋىمەن وتكەن كونتسەرتپەن جالعاستى. ساحنادا مۇقاسان شاحزادايەۆ، ماقسات بازاربايەۆ، ءىنجۋ انۋاربەك، اباي بەگەي، اسحات تارعىن جانە ينديرا ەلەمەس ونەر كورسەتتى.

سونىمەن قاتار، رەسپۋبليكا كۇنى الماتىدا ءبىرقاتار باسقا ءىس- شارا ۇيىمداستىرىلدى:

- جىبەك جولى داڭعىلىندا، پانفيلوۆ پەن بايسەيىتوۆا كوشەلەرىنىڭ اراسىندا ساعات 10:00 دەن 18:00 گە دەيىن قولونەرشىلەر جارمەڭكەسى وتەدى. جارمەڭكەدە قازاقستان، وزبەكستان جانە قىرعىزستان شەبەرلەرىنىڭ قولدان جاسالعان بۇيىمدارى ۇسىنىلادى.

-10:00 دەن 18:00 گە دەيىن اباي داڭعىلى، 159 مەكەنجايىنداعى سپورت- جاتتىعۋ كەشەنىندە شاعىن فۋتبول، ۆولەيبول جانە دزيۋدودان، سونىمەن بىرگە ءال- فارابي اتىنداعى قا ز ۇۋ - دا ۇستەل تەننيسى جانە قازاق كۇرەسىنەن سپورت فەستيۆالى وتەدى.

- ساعات 14:00 دە «كوك- توبە» ساياباعىندا «الماتى اۋەندەرى» شىعارماشىلىق ۇجىمدارىنىڭ قاتىسۋىمەن «جاساي بەر ماڭگى - قازاقستان» اتتى مەرەكەلىك كونسەرت وتەدى.

- بالۋان شولاق اتىنداعى سپورت سارايىندا 15:00 دەن 18:00بگە دەيىن قازاقستاندىق ەسترادا جۇلدىزدارى قاتىساتىن قازاق كۇرەسىنەن «ونەر بارىسى» ءتۋرنيرى وتەدى.

- ساعات 16:00 دە قازاق مەملەكەتتىك تسيركىندە رەسپۋبليكا كۇنىنە جانە اتاقتى كلوۋن جانە سيقىرشى كارىم مۇتىرعانوۆتىڭ 70 جىلدىعىنا ارنالعان بەنەفيس ۇيىمداستىرىلادى. اكروباتتار، اۋە گيمناستتارى، جونگلەرلەر، ەكۆيليبريستەر، يلليۋزيونيستەر مەن سايقىمازاقتار شوۋ- باعدارلاما كورسەتەدى.

ەربول جانات

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى