الماتىدا «قانسىراعان جۇرەكتىڭ ساباعى» اتتى ەرەكشە گۇل وسەدى

وسىمدىكتىڭ گۇلدەنۋ كەزىندە ەرەكشە ادەمى بولۋىنا بايلانىستى جوعارىداعى ەسىمدەر بەرىلگەن. بۇل تۋرالى الماتى قالالىق بوتانيكالىق باقتىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.

بوتانيكالىق باقتىڭ مالىمەتىنشە، وسىمدىك گۇلدەنۋ كەزىندە ەرەكشە ادەمى بولۋىنا بايلانىستى بىردەن بىرنەشە اتاۋعا يە بولعان.

وسىمدىكتىڭ عىلىمي اتاۋى - تومپسون كلەرودەندرۋمى.

سەبەبى، شوتلانديالىق دجوردج تومپسون ەسىمدى ازامات گۇلدى العاش رەت افريكادان ەۋروپاعا اكەلگەن. سول ءۇشىن ونىڭ ەسىمى گۇلگە بەرىلگەن.

«تومپسون كلەرودەندرۋمى (لات. Clerodendrum thomsoniae) - Lamiaceae تۇقىمداسىنا جاتاتىن ليانا ءتارىزدى كوپجىلدىق تروپيكالىق وسىمدىك. تابيعي جاعدايدا اعاش بۇتاقتارىنىڭ ۇزىندىعى 4 مەتردەن اسۋى مۇمكىن. پاتەر ىشىندە سيرەك جاعدايدا ۇلكەن كولەمگە جەتەدى. جاپىراقتارى سوپاق، ۇشكىر، ۇزىندىعى شامامەن 10 س م جەتەدى. ەرەكشەلىگى - ايقىن تامىرلارىنىڭ بولۋى. ساباقتارىنىڭ ۇشىندا كۇشتى گۇل شوقتارى بولادى، ولاردىڭ ءارقايسىسىندا 10 نان 30 عا دەيىن گۇل بولادى»، - دەپ حابارلادى بوتانيكالىق باقتىڭ باسپا ءسوز قىزمەتى.

ادەتتە تومپسون كلەرودەندرۋمنىڭ گۇلدەنۋىن بىرنەشە اكتىدەگى تەاتر قويىلىمىنا ۇقساتادى. سەبەبى، ءبىرىنشى ءاپپاق، ءمولدىر جاپىراقشالار پايدا بولادى.

كەيىن ادەمى قىزىل گۇل جاپىراقتارى اشىلىپ، كەرەمەت كورىنىسكە قوسىمشا تىرناقشالار ءوسىپ شىعادى.

بۇل رەتتە قىزىل جانە اق تۇستەر ەرەكشە كورىنەدى. ۇزاق گۇلدەنۋدەن سوڭ گۇلدەر بىرتە- بىرتە سولىپ، اقشىل سيرەن تۇسكە بويالادى.

گۇلدەنۋ كەزەڭى كوكتەمنىڭ باسىندا باستالىپ، كۇزدىڭ سوڭىنا دەيىن جالعاسادى.

«ءبىزدىڭ بوتانيكالىق باقتا تومپسون كلەرودەندرۋمى جىلىجاي كەشەنىندە وسەدى. ەستەرىڭىزگە سالساق، ءبىز جابىق وسىمدىكتەر جارمەڭكەسىن جالعاستىرامىز، وندا ءارتۇرلى وسىمدىكتەردى ساتىپ الىپ، مامانداردان ولاردى ءوسىرۋ جانە كۇتىم جاساۋ بويىنشا اقىل-كەڭەس الا الاسىزدار»، - دەپ اتاپ ءوتتى بوتانيكالىق باقتىڭ باسپا ءسوز قىزمەتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى