الماتىدا ناۋرىزعا ارنالعان مەرەكەلىك شارالار تۋرالى اقپاراتتى قايدان تابۋعا بولادى
الماتى. KAZINFORM - بيىل ناۋرىز مەيرامى جاڭاشا اتاپ وتىلۋدە. الماتىدا 500-دەن استام ءتۇرلى ءىس-شارا ۇيىمداستىرىلادى.
«ءىس-شارالار جوسپارى الماتى اكىمدىگىنىڭ رەسمي سايتىندا جانە تەلەگرام-ارناسىندا قولجەتىمدى. سونىمەن قاتار ونىڭ ءتىزىمىن ياندەكستى ىزدەۋدەن كورۋگە بولادى: مەرەكەلىك سۋرەتتى باسۋ جەتكىلىكتى، سوندا «ءىس- شارالار ءتىزىمى» باتىرماسى پايدا بولادى. ءىس- شارالاردىڭ سيپاتتاماسى مەرەكە تۋرالى ماسەلەلەر بويىنشا ورىس نەمەسە قازاق تىلىندە دە كورسەتىلەدى: مىسالى، ناۋرىزعا جوسپار نەمەسە ناۋرىز قالا جوسپارى»، - دەپ حابارالادى قالالىق اكىمدىكتەن.
باستى شارانىڭ ءبىرى - «كوش. ناۋرىز- دۋمان» 21-ناۋرىزدا وتەدى جانە اباي داڭعىلىمەن دوستىق داڭعىلىنان ابىلاي حان داڭعىلىنا دەيىن باتىس باعىتتا وتەدى، سودان كەيىن ابىلاي حان داڭعىلىمەن سولتۇستىك باعىتتا استانا الاڭىنا تۇسەدى، وندا مارە جوسپارلانعان.
ات جانە كوستيۋم شەرۋىنە 500-گە جۋىق ادام قاتىسادى. ەسترادا جۇلدىزدارىنىڭ قاتىسۋىمەن وتەتىن كونسەرتتەر 21 جانە 22-ناۋرىزدا استانا الاڭىندا جانە رەسپۋبليكا سارايىنىڭ الدىنداعى الاڭدا، سونداي-اق قالا اۋداندارىنىڭ بارلىق نەگىزگى الاڭىندا ۇيىمداستىرىلادى.
سونداي-اق قالا تۇرعىندارى مەن قوناقتارىنا ىڭعايلى بولۋ ءۇشىن ياندەكس كارتالارىندا مەرەكەلىك ءىس-شارالاردى وتكىزۋگە بايلانىستى جولداردىڭ ۋاقىتشا جابىلۋى، اينالىپ ءوتۋدىڭ وزەكتى باعىتتارى كورسەتىلەدى.
اۆتور
الما مۇقانوۆا
