الماتىدا مىرزەكەن قۇسىمجانوۆ تۇرعان ۇيگە مەموريالدىق تاقتا ورناتىلدى

1932 -جىلعى 5-اقپاندا اباي وبلىسىنىڭ ابىرالى اۋدانىندا دۇنيەگە كەلگەن دارىگەر ءوزى تۋعان ولكەدە العاشقى اۋداندىق اۋرۋحانا سالعىزۋعا مۇرىندىق بولىپ، سەمەي پوليگونىنىڭ ىرگەسىن مەكەن ەتكەن جەرلەستەرىنە كۇردەلى وتا جاساپ تانىلعان.

وسى ولكەدە اكۋشەرلىك قىزمەتتىڭ دامۋىنا دا تىكەلەي ىقپال ەتكەن.

1983-جىلدان 1996-جىلعا دەيىن ق ر الەۋمەتتىك قورعاۋ ءمينيسترىنىڭ ورىنباسارى قىزمەتىن اتقاردى.

مەموريالدىق تاقتانىڭ اشىلۋىندا بۇرىنعى دەنساۋلىق ساقتاۋ ءمينيسترى ۆاسيليي ديەۆياتكو، ۇعا اكادەميگى ۆياچەسلاۆ لوكشين، سونداي-اق اسقاربەك قۇسايىنوۆ، قادىر وماروۆ، كەڭەس ۇشبايەۆ، بولاتبەك ناسەنوۆ، ماققام تولەنوۆ، زۇلقايىر مانسۇروۆ سياقتى پروفەسسورلار ءسوز سويلەپ، ەستەلىك ايتتى.

مىرزەكەن قۇسىمجانوۆتى دارىگەرلەر ديناستياسىنىڭ باستاۋىندا تۇرعان ادام دەۋگە دە بولادى. ۇلى ءسۇنيات قۇسىمجانوۆ اكادەميك ب. جاربوسىنوۆ اتىنداعى ۋرولوگيا عىلىمي ورتالىعىنىڭ پروفەسسورى، جوعارى ساناتتاعى حيرۋرگ- ۋرولوگ، «التىن قانداۋىر» سىيلىعىنىڭ لاۋرەاتى بولسا، قىزى جانار قۇسىمجانوۆا قر پرەزيدەنتى ءىس باسقارماسى مەديتسينالىق ورتالىعى ۇلتتىق گوسپيتالىنىڭ ۆيتسە-پرەزيدەنتى.

ەسكە سالساق، بىلتىر تاشكەنتتە قازاقتان شىققان تۇڭعىش جوعارى ءبىلىمدى ايەل-دارىگەر گۇلسىم اسفەندياروۆاعا ارنالعان مەموريالدىق كەشەن اشىلىپ، قۇلپىتاسى جاڭارتىلعان ەدى.

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى