الماتىدا گۇلميرا ساتىبالدانىڭ سوتى باستالدى

باستى سوت وتىرىسى الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا ءوتىپ جاتىر. گ. ساتىبالدىدان بولەك ونىڭ جۇرگىزۋشىسى ءمادي باتىرشايەۆ تا ايىپتالۋشى سوتىندا وتىر.

تىڭداۋلار وفلاين رەجيمدە وتەدى.

سوت وتىرىسى باستالماس بۇرىن سوت ايىپتاۋ جانە قورعاۋ تاراپىن تىڭداپ، سوتتالۋشىلار مەن ولاردىڭ ادۆوكاتتارىن فوتوعا تۇسىرۋگە جانە جاريالاۋعا تىيىم سالدى.

سۋديا ءتارتىپ بۇزۋشىلارعا شارا قولدانىلاتىنىن دا ەسكەرتتى.

ايتا كەتەيىك، الدىن الا تىڭدالىم كەزىندە، ايىپتالۋشى گ. ساتىبالدى القابيلەر سوتىنا قاتىسپايتىنىن جەتكىزگەن بولاتىن.

ەستەرىڭىزگە سالا كەتەيىك، بىلتىر گۇلميرا ساتىبالدى بىرەۋدىڭ مۇلكىن يەمدەنۋ جانە جىمقىرۋ قىلمىستىق ءىسى بويىنشا 7 جىلعا باس بوستاندىعىنان ايىرىلعان بولاتىن.

سونداي-اق سوت وعان 10 جىل بويى كوممەرتسيالىق ۇيىمداردا باسشىلىق لاۋازىمداردى اتقارۋعا تىيىم سالدى.

گۇلميرا ساتىبالدى كاسىپورىنداردىڭ قاتىسۋ ۇلەسىن زاڭسىز يەمدەنۋ، سونىڭ ىشىندە ادام ۇرلاۋمەن ۇشتاسقان ەكى فاكتى بويىنشا تەرگەۋگە الىنعان ەدى. جابىرلەنۋشىگە كەلگەن زالال سوماسى - 6,6 ميلليارد تەڭگەدەن اسادى.

سونداي-اق، گۇلميرا ساتىبالدىنىڭ سوتقا دەيىنگى تەرگەۋ كەزىندە شەكارا اسىپ كەتپەك بولعان.

سونىمەن قاتار، گۇلميرا ساتىبالدى ايىپتاۋلارمەن كەلىسپەيتىنىن ايتىپ، ءادىل شەشىم قابىلداۋعا ءوتىنىش جاساعان بولاتىن.

اۆتور
الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى