الماتىدا كەڭەيتىلگەن اۋىلشارۋاشىلىق جارمەڭكەسى وتەدى
الماتى. KAZINFORM - الماتىدا الداعى دەمالىس كۇندەرى، ياعني 23-24-قاراشا كۇندەرى ساعات 08:00- دەن 17:00 گە دەيىن الماتى وبلىسى اۋىل شارۋاشىلىعى تاۋار وندىرۋشىلەرىنىڭ كەڭەيتىلگەن جارمەڭكەسى وتەدى.
جارمەڭكەدە 50 دەن استام ءونىم - ەت-ءسۇت، جەمىس-كوكونىس، شۇجىق ونىمدەرى، وسىمدىك جانە جانۋار مايلارى جانە ت. ب. ۇسىنىلادى. ءونىمنىڭ جالپى كولەمى - 250 توننا.
«ونىڭ ىشىندە ەت ونىمدەرى - 50 توننا، جەمىس، كوكونىس ونىمدەرى - 100 توننا، ءسۇت ونىمدەرى - 45 توننا، بالىق ونىمدەرى - 5 توننا، باسقالارى - 50 توننا»، - دەپ حابارلادى اكىمدىكتىڭ باسپا ءسوز قىزمەتى.
اۋىل شارۋاشىلىعى جارمەڭكەسى ساتبايەۆ كوشەسىنىڭ بويىمەن ۋاليحانوۆ كوشەسى مەن دوستىق داڭعىلى ارالىعىندا وتەدى.
وسىعان بايلانىستى ساتبايەۆ كوشەسىنىڭ ءۋاليحانوۆ كوشەسىنەن دوستىق داڭعىلىنا دەيىنگى بولىگى 22-قاراشادا ساعات 20:00 دەن 24-قاراشادا 20:00 گە دەيىن جابىلادى.
جارمەڭكەنى وتكىزۋ كەزىندە 45، 95-جانە 121-اۆتوبۋستارىنىڭ ءجۇرۋ باعىتى وزگەرەدى.
جابىلاتىن ۋچاسكەنى اينالىپ ءوتۋ اباي داڭعىلى بويىنشا جۇرگىزىلەتىن بولادى.
بۇعان دەيىن الماتى وبلىسىندا كوشكىن قاۋپى بار 55 ۋچاسكە بار ەكەنى حابارلاندى.
