الماتىدا ەكى ايدا 6 مىڭنان استام ساموكات جۇرگىزۋشىسىنە ايىپپۇل سالىندى

بۇل تۋرالى قالالىق پوليتسيا باسقارماسىنىڭ رەسمي وكىلى سالتانات ازىربەك ءمالىم ەتتى، دەپ حابارلايدى قازاقپارات ءتىلشىسى.

«30- تامىزدان باستاپ قازاقستاندا «جول ءجۇرىسى تۋرالى» زاڭداعى ەلەكتر ساموكات ءمىنۋ ەرەجەلەرىن قاراستىراتىن تۇزەتۋلەر كۇشىنە ەندى. باستاپقى كەزەڭدە ءتۇسىندىرۋ جۇمىستارى جۇرگىزىلدى. سودان كەيىن ق ر ا ق ب ت ك- ءنىڭ 593، 622-باپتارىنا سايكەس شارا قولدانىلا باستادى. بۇگىنگى تاڭدا ساموكات جۇرگىزۋشىلەرىنىڭ قاتىسۋىمەن 6 مىڭنان استام جول ەرەجەسىن بۇزۋ فاكتىسى انىقتالدى. ولاردىڭ بارلىعىنا ايىپپۇل سالىندى»، - دەيدى سالتانات ازىربەك.

زاڭدا كورسەتىلگەندەي، ەڭ جوعارى جىلدامدىعى ساعاتىنا 25 كيلومەتردەن اسپايتىن كولىك قۇرالى «ەلەكتر ساموكات» دەپ تانىلادى. ولاردىڭ قوزعالىسى ءۇشىن دە ءتيىستى ورىندار ايقىندالادى.

سونداي-اق ولاردىڭ جۇرگىزۋشىلەرىنە ءتيىستى شەكتەۋلەر قويىلادى.

شارتتار مەن ەرەجەلەردى ساقتاي وتىرىپ:

- ەلەكتر ساموكاتتاردىڭ جولدىڭ ءجۇرىس بولىگىنىڭ وڭ جاق شەتىمەن قوزعالۋىنا رۇقسات ەتىلەدى؛

- جۇرگىزۋشى 18 جاسقا تولعان بولۋى ءتيىس؛

- كولىك قۇرالىن باسقارۋعا قۇقىق بەرەتىن كەز كەلگەن ساناتتاعى جۇرگىزۋشى كۋالىگى بولۋى شارت؛

- شلەم كيۋ مىندەتتى.

- قاراڭعى ۋاقىتتا قوزعالۋ كەزىندە باسقا كولىك قۇرالدارىنىڭ جۇرگىزۋشىلەرىنە كورىنۋى ءۇشىن جارىق تۇسىرەتىن بەلگىلەر ورناتىلۋى قاجەت.

- تروتۋار نەمەسە جاياۋ جۇرگىنشىلەر جولىمەن ساعاتىنا 6 كيلومەتردەن اسپايتىن جىلدامدىقپەن ءجۇرۋ شارت.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى