الماتىدا كوروناۆيرۋس جۇقتىرعانداردىڭ 30 پايىزى - قاريالار

سوڭعى جەتى كۇندە، ياعني 16-22-تامىز ارالىعىندا ك ۆ ي 6 جاعدايى تىركەلسە، ال الدىڭعى 7 كۇندە 4 ك ۆ ي جاعدايى تىركەلگەن.

- 2024 -جىلدىڭ قاڭتار ايىنان باستاپ 22-تامىزعا دەيىن قالا تۇرعىندارى اراسىندا كوروناۆيرۋستىق ينفەكسيانىڭ زەرتحانالىق راستالعان 296 جاعدايى تىركەلدى. ونىڭ ىشىندە 14 جاسقا دەيىنگى بالالار اراسىندا- 31 جاعداي، جاسوسپىرىمدەر اراسىندا - 6 جاعداي، ەرەسەكتەر اراسىندا - 259 جاعداي، - دەدى الماتى قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا.

س ە ب د مالىمەتىنشە، جىل باسىنان بەرى كوروناۆيرۋس جۇقتىرعانداردىڭ %7,1 - 1 جاسقا دەيىنگى بالالار (21)، %10,5 - 14 جاسقا دەيىنگى بالالار (31)، %4,1 - 15-19 جاس ارالىعىنداعى جاسوسپىرىمدەر (12)، سونداي-اق %38,5 - 20-39 جاستاعى ازاماتتار (114)، %16,5 - 40-59 جاستاعى ازاماتتار (49) جانە %30,4 - 60 جاس جانە ودان جوعارى جاستاعى زەينەتكەرلەر (90).

- كوروناۆيرۋسقا قارسى پروفيلاكتيكالىق شارالار تۇماۋ مەن ج ر ۆ ي كەزىندە سياقتى جۇرگىزىلەدى. ينفەكسيادان قورعاۋدىڭ جالعىز ءادىسى ۆاكسيناتسيا ەكەنىن ەستە ۇستاعان ءجون، - دەپ اتاپ ءوتتى اسەل قالىقوۆا.

ەسكە سالايىق، بۇعان دەيىن الماتىدا جىل باسىنان بەرى 300 گە جۋىق ادام كوروناۆيرۋس جۇقتىرعانىن جازعانبىز.

اۆتور
دوسبول اتاجان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى