الماتىدا كورنەكتى جازۋشى، عالىم اقسەلەۋ سەيدىمبەكتىڭ قۇرمەتىنە مەموريالدى تاقتا اشىلدى
قايراتكەرى، مەملەكەتتىك سىيلىقتىڭ لاۋرەاتى اقسەلەۋ سلان ۇلى سەيدىمبەكتىڭ قۇرمەتىنە مەموريالدى تاقتا سالتاناتتى تۇردە اشىلدى، دەپ حابارلايدى Kazinform الماتى اكىمدىگىنە سىلتەمە جاساپ.
ءىس-شاراعا الماتى قالاسى اكىمىنىڭ ورىنباسارى ارمان قىرىقبايەۆ، ق ر وقۋ-اعارتۋ مينيسترلىگى ى. التىنسارين اتىنداعى ۇلتتىق ءبىلىم اكادەمياسى ورتا ءبىلىم ينستيتۋتى ديداكتيكا زەرتحاناسىنىڭ باس عىلىمي قىزمەتكەرى، پروفەسسور جاۋىمباي قارايەۆ، مەملەكەتتىك سىيلىقتىڭ يەگەرى، جازۋشى، دراماتۋرگ كادىربەك سەگىزباي، م. اۋەزوۆ اتىنداعى ادەبيەت جانە ونەر ينستيتۋتى ديرەكتورىنىڭ ورىنباسارى ءتورالى قىدىر، ا. سەيدىمبەكتىڭ نەمەرەسى تارلان سەيدىمبەك جانە ت. ب. قاتىستى.
بۇگىن سۇيىكتى قالامگەرىمىزگە وسىنداي ەسكەرتكىش تاقتانىڭ قويىلۋى زاڭدى ءارى تاريحي تۇرعىدان ءادىل شەشىم دەپ ويلايمىن. سەبەبى اقسەلەۋ اعامىزدىڭ نەگىزگى شىعارماشىلىق عۇمىرى، ونەگەلى ءومىرى ءبىزدىڭ سۇيىكتى قالامىز الماتىدا ءوتتى. ول كىسىنىڭ شىعارمالارى حالقىمىزبەن بىرگە ماڭگى جاساي بەرەدى. وسىناۋ يگىلىكتى ءىستىڭ جۇزەگە اسۋىمەن بارشاڭىزدى شىن جۇرەكتەن قۇتتىقتايمىن»، - دەدى سالتاناتتى جيىندا الماتى قالاسى اكىمىنىڭ ورىنباسارى ارمان قىرىقبايەۆ.
ايتا كەتەيىك، اقسەلەۋ سەيدىمبەك - وتىزدان استام كوركەم، عىلىمي-كوپشىلىك جانە مونوگرافيالىق كىتاپتىڭ اۆتورى. قازاقستان جازۋشىلار وداعى جانە قازاقستان جۋرناليستەر وداعى سىيلىقتارىنىڭ لاۋرەاتى. «قۇرمەت» وردەنىنىڭ يەگەرى، قازاقستاننىڭ ەڭبەك سىڭىرگەن قايراتكەرى. قر مەملەكەتتىك سىيلىعىنىڭ لاۋرەاتى (2004). ۇلتتىق كەڭەستىڭ، ق ر تەرمينولوگيا جانە ونوماستيكا كوميسسياسىنىڭ، قازاقتىڭ تاريح جانە مادەنيەت ەسكەرتكىشتەرىن قورعاۋ قوعامى ورتالىق كەڭەسى پرەزيديۋمىنىڭ، عىلىمي قىزمەتكەرلەردى اتتەستاتسيالاۋ دەپارتامەنتى زەرتتەۋ كوميسسياسىنىڭ، «مادەني مۇرا» مەملەكەتتىك باعدارلاماسى قوعامدىق كەڭەسىنىڭ، قازاقستان جازۋشىلار وداعى باسقارماسىنىڭ مۇشەسى بولعان. «قازاق ادەبيەتىنىڭ تاريحى» اتتى ون تومدىقتىڭ اۆتورلارىنىڭ ءبىرى.
مەموريالدى تاقتا الماتى قالاسى المالى اۋدانى قوجامقۇلوۆ كوشەسى 128 ۇيدە (ايتەكە ءبي كوشەسىنىڭ قيىلىسى) ورناتىلدى.
