الماتىدا كەنەگە قارسى دەزينسەكسيالىق وڭدەۋ جۇمىستارى باستالادى

الماتى قالالىق سانيتاريالىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە، وڭدەۋ جۇمىستارىمەن 8 ورماندى القاپ (1904,924 گەكتار)، 100 قالا ساياباعى مەن سكۆەرى (461,636 گەكتار) قامتىلادى جانە اۋا-رايىن ەسكەرە وتىرىپ، قۇرعاق، جاۋىن-شاشىنسىز كۇندەرى بەكىتىلگەن كەستەگە سايكەس 1-27-ءساۋىر ارالىعىندا جۇرەدى. كەنە ەنتسەفاليتىنە قارسى وڭدەۋ جۇمىسى ەكى كەزەڭدە جۇرگىزىلەدى (ەكىنشى كەزەڭ: مامىر، ماۋسىم ايلارى).

«دەزينسەكسيالىق ءىس-شارانى قالالىق سانيتاريالىق-ەپيدەميولوگيالىق باقىلاۋ قىزمەتىنىڭ ماماندارىنىڭ تىكەلەي باقىلاۋىمەن ق ر دەنساۋلىق ساقتاۋ مينيسترلىگى سانيتاريالىق-ەپيدەميولوگيالىق باقىلاۋ كوميتەتىنىڭ «ۇلتتىق ساراپتاما ورتالىعى» ش ج ق ر م ك «الماتى قالاسى بويىنشا دەزينفەكسيا ورتالىعى» فيليالى جۇرگىزەدى. جاساقتالعان دەزينفەكسيالىق بريگادالار قاجەتتى قۇرالدارمەن، كولىكتەرمەن جانە جەكە باس قورعانىش زاتتارىمەن جابدىقتالعان. كەنە ەنتسەفاليتىنە قارسى دەزينسەكسيالىق وڭدەۋ جۇمىستارىن جۇرگىزۋ ءۇشىن «دەلتەكس SC 10» ينسەكتواكاريتسيدتى پرەپاراتى قولدانىلادى. پرەپارات از ۋىتتى جانە قاۋىپتىلىگى تومەن ساناتقا جاتقىزىلادى (3-4 كلاس). كەنەلەرمەن كۇرەسۋ ءۇشىن قولدانىلاتىن دوزالار ەڭ از جانە ادامدار مەن جانۋارلار ءۇشىن قاۋىپسىز سانالادى. وڭدەۋ جۇمىستارى تاڭعى ۋاقىتتا جۇرگىزىلەدى. وڭدەلەتىن اۋماقتاردىڭ شەكارالارىندا «كەنەلەرگە قارسى وڭدەۋ جۇرگىزىلۋدە» دەگەن ەسكەرتۋ حابارلامالارى بار تاقتالار ورناتىلادى»، - دەپ حابارلادى ۆەدومستۆونىڭ باسپا ءسوز قىزمەتى.

وسىعان بايلانىستى ەپيدەميولوگتار قالا تۇرعىندارى مەن قوناقتارىنا ساقتىق شارالارىن ساقتاۋعا شاقىردى:

- ينسەكتواكاريتسيدتى پرەپاراتتىڭ ەرىتىندىسىن دەنەگە نەمەسە كيىمگە تيگىزىپ الماس ءۇشىن، كەنەگە قارسى دەزينسەكسيالىق وڭدەۋ جۇمىستارى جۇرگىزىلگەن جەرلەردەن قاشىقتاۋ ءجۇرۋ كەرەك؛

- جەردەگى شاشىراتقان پرەپاراتتار قۇرعاعانشا ءۇي جانۋارلارىن وڭدەۋ جۇمىستارى جۇرگىزىلگەن ايماققا جىبەرمەۋ كەرەك؛

- وڭدەۋ جۇمىستارى جۇرىزىلگەن جەرلەردەن 40 كۇن بويى ساڭىراۋقۇلاقتاردى، شوپتەردى جانە جيدەكتەردى جيناۋعا، پايدالانۋعا بولمايدى (پرەپاراتتى قولدانۋ جونىندەگى نۇسقاۋلىققا سايكەس).

ەسكە سالايىق، بۇعان دەيىن الماتىدا تاسقىننان جاپا شەككەن وڭىرلەرگە گۋمانيتارلىق كومەك قابىلدايتىن پۋنكت اشىلعان حابارلاعان ەدىك.

اۆتور

دۋمان ارعىنگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى