الماتىدا جەر سىلكىنىسىنە ارنالعان سيمۋلياتسيالىق وقۋ ورتالىعى اشىلادى

الماتى قالاسىنىڭ 2025-2027 -جىلدارعا ارنالعان بيۋدجەتى ءماسليحاتتىڭ كەزەكتەن تىس سەسسياسىندا بەكىتىلدى. قابىلدانعان بيۋدجەتتە قالانىڭ سەيسميكالىق قاۋىپسىزدىگىن قامتاماسىز ەتۋگە باعىتتالعان شارالارعا قاراجات قاراستىرىلدى.

عيماراتتار مەن قۇرىلىستاردىڭ سەيسميكالىق قاۋىپسىزدىگىن ارتتىرۋ ۇزاق مەرزىمدى جانە اۋقىمدى قارجىنى قاجەت ەتەتىن ۇدەرىس بولعاندىقتان، بۇل ماقساتقا شامامەن 14 ميلليارد تەڭگە ءبولۋ جوسپاردا تۇر.

- حالىقارالىق تاجىريبەگە سايكەس، قالادا نىسانداردىڭ ناقتى سەيسموتۇراقتىلىعىن انىقتاۋ ءۇشىن ءتولقۇجاتتاۋ جۇرگىزىلۋدە. وسى جۇمىستىڭ ناتيجەسىندە 2025 -جىلى جاپونيا، ا ق ش جانە يزرايل ۇلگىسىندە عيماراتتاردى سەيسميكالىق كۇشەيتۋگە ارنالعان قالالىق باعدارلاما ازىرلەنىپ، ەنگىزىلەدى، - دەلىنگەن حابارلامادا.

الماتىدا الەۋمەتتىك جانە اكىمشىلىك مەملەكەتتىك عيماراتتاردى سەيسميكالىق كۇشەيتۋ جۇمىستارى جىل سايىن جۇرگىزىلەدى. 2025 -جىلى بوستاندىق جانە مەدەۋ اۋداندارىنداعى 3 مەكتەپتى سەيسميكالىق كۇشەيتۋ اياقتالادى. سونداي- اق تۇركسىب اۋدانىنداعى №50 مەكتەپ- ليتسەيدە سەيسميكالىق نىعايتۋ جۇمىستارى باستالادى. اۋەزوۆ، بوستاندىق جانە مەدەۋ اۋداندارىنداعى 7 بالاباقشادا جۇمىستار قولعا الىنادى.

سونىمەن قاتار كوشكىن قاۋپىن باعالاۋ جانە كوشكىن قاۋپى بار ۋچاسكەلەردىڭ (كىشى جانە ۇلكەن الماتى، قارعالى، اقساي وزەندەرىنىڭ باسسەينى) ءتولقۇجاتىن جاساۋ ءۇشىن 168,8 ميلليون تەڭگە سوماسىنا 3 جىلدىق جوبا جۇزەگە اسىرىلىپ جاتىر.

ۇلتتىق سەيسمولوگيالىق باقىلاۋ جانە زەرتتەۋ ورتالىعىنىڭ مالىمەتىنشە، الماتى اگلومەراتسياسىن تولىق قامتۋ جانە سەيسمولوگيالىق دەرەكتەردى وڭدەۋ جىلدامدىعىن ارتتىرۋ ءۇشىن قازىرگى 51 سەيسموستانتسياعا قوسىمشا 70 ستانسيا ورناتۋ قاجەت. بۇل 2025-2026 -جىلدارى جۇزەگە اسىرىلىپ، جەر سىلكىنىسىنىڭ ەرتە ەسكەرتۋ جۇيەسىن جەتىلدىرۋگە مۇمكىندىك بەرەدى.

قالا اۋماعى ءبىرىڭعاي باعدارلامالىق قامتاماسىز ەتۋ ارقىلى جۇمىس ىستەيتىن سەيسموداتچيكتەرمەن قامتىلادى. بۇعان قوسا، الماتى ينفراقۇرىلىمىن قىتاي، قىرعىزستان جانە وزبەكستان سياقتى كورشىلەس مەملەكەتتەردىڭ جۇيەلەرىمەن ينتەگراتسيالاۋعا دايىندىق جۇمىستارى جۇرگىزىلمەك.

- قالانىڭ قاۋىپسىزدىگىن ارتتىرۋ ماقساتىندا سيمۋلياتسيالىق وقۋ- ادىستەمەلىك ورتالىقتىڭ قۇرىلىسى دا جوسپارلانعان. بۇل جوبا تۇرعىنداردى توتەنشە جاعدايدا ءوزىن- ءوزى قۇتقارۋ جانە العاشقى مەديتسينالىق كومەك كورسەتۋ داعدىلارىنا ۇيرەتۋگە جول اشادى. ورتالىق نۇسقاۋشىلارى ازاماتتارعا ءقاۋىپ- قاتەر كەزىندە ءوزىن- ءوزى قورعاۋ جانە العاشقى كومەك كورسەتۋ ادىستەرىن ۇيرەتەدى، - دەپ اتاپ ءوتتى ءماسليحاتتان.

اۆتور

الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى