الماتىدا جەر سىلكىنگەن كەزدە زارداپ شەككەندەردىڭ قازىرگى جاعدايى قالاي
الماتى. KAZINFORM - الماتىلىق دارىگەرلەر جەر سىلكىنىسى كەزىندە زارداپ شەككەندەردىڭ قازىرگى جاعدايىن ايتتى.
الماتى قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە، جەر سىلكىنىسى كەزىندە زارداپ شەككەن ءۇش ەرەسەك ادام بارلىق قاجەتتى مەديتسينالىق كومەك الىپ جاتىر.
«ءۇش ناۋقاس قالالىق جەدەل شۇعىل كومەك اۋرۋحاناسىندا ەمدەلىپ جاتىر. بىرەۋىنىڭ حالى اۋىر، ەكەۋىنىڭ جاعدايى ورتاشا. بارلىق سىرقات تولىق كولەمدە قاجەتتى مەديتسينالىق كومەك الادى»، - دەپ حابارلادى باسقارمادان.
سونداي-اق بالالار جەدەل مەديتسينالىق كومەك كورسەتۋ ورتالىعىندا 4 بالا ەمدەلىپ جاتىر. ولاردىڭ جاعدايى ورتاشا، ءبىرقالىپتى.
قاڭتاردىڭ 22 نەن 23 ىنە قاراعان ءتۇنى الماتىلىقتار قاتتى جەر سىلكىنىسىن سەزىندى، سالدارىنان ءتۇرلى جاراقات العان 67 ادام مەديتسينالىق كومەككە جۇگىنگەن ەدى.
