الماتىدا جاسىرىن اۋديو جازۋعا ارنالعان قالام ساتقان تۇرعىن ۇستالدى
الماتى. KAZINFORM - الماتىدا زاڭسىز قۇرالداردى ساتۋمەن اينالىسقان تۇرعىن ۇستالدى.
كۇدىكتى - 42 جاستاعى ەر ادام. الماتى پوليتسياسى ونى «Antifraud» رەسپۋبليكالىق ءىس-شاراسى اياسىندا ۇستاعان.
- جەدەل ءىس-شارالار ناتيجەسىندە اۋديوجازبالاردى جاسىرىن الۋ ءۇشىن ارنايى تەحنيكالىق قۇرىلعىنى ساتۋ ارەكەتى انىقتالدى. تۇرعىن ۇستالعانعا دەيىن اۆتوقالام تۇرىندەگى تىڭشىلىق قۇرىلعىنى ساتقان. جەتىسۋ اۋداندىق پوليتسيا باسقارماسىندا اقپاراتتى جاسىرىن الۋ ءۇشىن ارنايى تەحنيكالىق قۇرالداردى زاڭسىز ءوندىرۋ، دايىنداۋ، الۋ، وتكىزۋ نەمەسە پايدالانۋ دەرەگى بويىنشا قىلمىستىق ءىس قوزعالدى، - دەدى قالالىق كيبەرقىلمىسقا قارسى كۇرەس باسقارماسىنىڭ باسشىسى انەس قالدىبايەۆ.
ەسكە سالايىق، بۇعان دەيىن الماتى وبلىسىندا ءجاسوسپىرىمدى قورقىتىپ، بوپسالاعاندار ۇستالعانىن جازعانبىز.
