الماتىدا حالىق كۇيشىسى قىزىرحان باباقۇمار ۇلىنىڭ شىعارماشىلىق كەشى وتەدى
الماتى قالاسىنداعى جامبىل اتىنداعى قازاق مەملەكەتتىك فيلورمونياسىنىڭ كونسەرت زالىندا، كۇيشى، كومپوزيتور، قازاق مادەنيەتىنىڭ قايراتكەرى، «حالىق كۇيشىسى» ءتوس بەلگىسىنىڭ يەگەرى قىزىرحان باباقۇمار ۇلىنىڭ «التايدان الاتاۋعا كۇي بولىپ توگىلدىم!» اتتى شىعارماشىلىق كەشى 21-قاڭتار كۇنى ساعات 18:00-دە وتەدى، دەپ حابارلايدى Kazinform.
اتالعان كەشتە قازاقستاننىڭ ەڭبەك سىڭىرگەن قايراتكەرى، كۇيشى ءشامىل ابىلتايەۆ، ق ر مادەنيەت قايراتكەرى، كۇيشى مۇرات ءابۋعازى، ق ر مادەنيەت سالاسىنىڭ ۇزدىگى، قۇرمانعازى اتىنداعى قازاق ۇلتتىق كونسەرۆاتورياسىنىڭ دوتسەنتى، كۇيشى قۋانىش جۇماعالي، قۇرمانعازى اتىنداعى رەسپۋبليكالىق كونكۋرستىڭ لاۋرەاتى، كۇيشى نۇرلان تۇمەنبايەۆ، ق ر مادەنيەت سالاسىنىڭ ۇزدىگى، ءانشى تالعات ءابۋعازى قاتارلى كۇيشى، انشىلەر ونەر كورسەتەدى.
سونىمەن قاتار قىزىرحان باباقۇمار ۇلىنىڭ شىعارماشىلىق كەشىنە ن. تىلەنديەۆ اتىنداعى «وتىرار سازى» اكادەميالىق فولكلورلىق-ەتنوگرافيالىق وركەسترى ارنايى قاتىسادى.
ايتا كەتەيىك، كۇيشى، كومپوزيتور، «حالىق كۇيشىسى» ءتوس بەلگىسىنىڭ يەگەرى، قازاق مادەنيەتىنىڭ قايراتكەرى قىزىرحان باباقۇمار ۇلى 1959 -جىلى قاراشا ايىندا ق ح ر-داعى التايدىڭ شەمىرشەك اۋىلىندا دۇنيەگە كەلگەن.
ق. باباقۇمار ۇلى «كۇي- كەرۋەن» دەگەن اتپەن 60 تان استام كۇيلەر توپتاستىرىلعان ەكى كۇي جيناعىنىڭ اۆتورى. ءوزىنىڭ جيىرمادان استام اۆتورلىق كۇيلەرى مەن بىرنەشە اندەرى بار. ق ر ۇلتتىق مۋزەي مۇراعاتىنا 50 دەن استام كۇي، «دومبىرا» تەلەارناسىنا 17 كۇي، «شالقار» راديوسىنىڭ التىن قورىنا 40 تان استام كۇيدى ەنگىزىپ، قازاق حالقىنىڭ رۋحاني قازىناسىنا ءوز ۇلەسىن قوسقان.
