الماتىدا شەتەلدىك تۋريستەر اعىنى ارتتى
الماتىدا بيىلعى ءبىرىنشى جارتىجىلدىقتا شەتەلدىك تۋريستەر سانى % 73- عا ءوسىپ، 261 مىڭ ادامنان استى. بۇل تۋرالى الماتى قالاسىنىڭ تۋريزم باسقارماسى مالىمدەدى، دەپ حابارلايدى Kazinform.
تۋريستەردىڭ جايلى دەمالىسى ءۇشىن بيىل 3 كەمپينگ ايماقتى (اقبۇلاق، ۇ ا ك جانە مىڭجىلقى) ورناتۋ جۇمىستارى اياقتالدى. شاتىرلى ورىندار، توبەسى جابىق بەسەدكالار، ۇستەل- ورىندىق، «التىباقان» ۇلتتىق ستيلىندەگى اتكەنشەكتەر ورناتىلدى.
سونىمەن قاتار كىشى ۇلكەن الماتى، پروحودنوە، بۋتاكوۆكا شاتقالدارىن اباتتاندىرۋ جۇمىستارى اياقتالىپ، قارعالى شاتقالىندا جۇمىس قولعا الىنعان. مارشرۋت بويىندا ناۆيگاتسيالىق كورسەتكىشتەر، اقپاراتتىق ستەندتەر، قالقاندار، تىرەكتەر، ءتۇرلى ءتۇستى نۇسقاۋشى بەلگىلەر، بەسەدكالار (اينەكتەلگەندەردى قوسقاندا)، ورىندىقتار، دەمالۋعا ارنالعان پلاتفورمالار، كوپىرلەر مەن قورشاۋلار ورناتىلعان.
بۇعان دەيىن الماتىنىڭ اپورتى قازاقستان برەندى بولىپ تىركەلگەنىن جازعان بولاتىنبىز.
اۆتور
ەلميرا ورالبايەۆا
