الماتىدا دوللار اۋىستىرماق بولعاندار بەس جىلعا سوتتالدى

قارجىلىق مونيتورينگ اگەنتتىگىنىڭ مالىمەتىنشە، 100 دوللارلىق جالعان كۋپيۋرالاردى وتكىزبەك بولعان ەكى كۇدىكتى بەس جىلعا باس بوستاندىعىنان ايىرىلدى.

«جالعان اقشا جاساۋشىلاردىڭ قۇربانى بولماس ءۇشىن جاقسى باعام بويىنشا ايىرباستاۋدى ۇسىنسا دا، بەيتانىس ادامدارعا اقشا ايىرباستاماڭىز جانە ۆاليۋتانى دەلدالداردان ساتىپ الماڭىز. قارجىلىق مونيتورينگ اگەنتتىگى الماتىدا ءىرى كولەمدەگى جالعان 100 دوللارلىق كۋپيۋرالاردى وتكىزۋ فاكتىسىن انىقتادى. اتالعان تۇلعالار باقىلامالى ساتىپ الۋ بارىسىنداعى جالعان كۋپيۋرالاردى وتكىزۋ ارەكەتى كەزىندە ۇستالدى»، - دەلىنگەن حابارلامادا.

ناقتىلاي كەتەيىك، كريپتوۆاليۋتا ساتىپ الاتىنىن ايتقان ەكى ازامات جالپى سوماسى 32700 دوللار بولاتىن جالعان شەتەلدىك كۋپيۋرا ايىرباستاعان. سوت ۇكىمىمەن ەكەۋى دە كىنالى دەپ تانىلىپ، ولارعا 5 جىلدان 5,5 جىلعا دەيىنگى مەرزىمگە باس بوستاندىعىنان ايىرۋ جازاسى تاعايىندالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى