الماتىدا دەنيس تەننىڭ ەسكەرتكىشىن بۇلدىرگەن تۇرعىن ۇستالدى
الماتىدا سپورت شەبەرى دەنيس تەن ەسكەرتكىشىنىڭ قابىرعاسىنا ءوزىنىڭ اتى-ءجونى مەن تەلەفون ءنومىرىن ويىپ جازعان بۇزاقى ۇستالدى، دەپ حابارلايدى Kazinform.
«دەنيس تەن ەسكەرتكىشىنە ۆانداليزم جاسادى دەگەن كۇدىككە ىلىنگەن تۇلعا ۇستالدى. ول پسيحونەۆرولوگيا ەسەبىندە تۇرعان الماتىلىق ەكەنى انىقتالدى. قىلمىستىق ءىس اياسىندا ساراپتامالار تاعايىندالدى، ونىڭ قورىتىندىسى بويىنشا پروتسەسسۋالدىق شەشىم قابىلدانادى»، - دەپ حابارلادى دەپارتامەنتتەن.
ۆەدومستۆو وكىلدەرى ۇستالعان ادام پسيحيكالىق ساۋىقتىرۋ ورتالىعىنا ورنالاستىرىلعانىن اتاپ ءوتتى.
الماتىداعى قازاقستاندىق سپورتشىعا ارنالعان ەسكەرتكىش 2019 -جىلى ماۋسىمدا قويىلعان بولاتىن.
ەسكە سالا كەتەيىك، دەنيس تەن بىلتىر 19-ماۋسىم كۇنى قازا تاپتى. پىشاقتان اۋىر جارالانعان بەلگىلى سپورتشى اۋرۋحاناعا جەتكىزىلگەن سوڭ قايتىس بولعان ەدى.
