الماتىدا ءىز-ءتۇزسىز جوعالىپ كەتكەن ايگىلى سپورتشى سەرىك نۇرقازوۆ تابىلدى

«1959 -جىلى تۋعان س. نۇرقازوۆ امان- ەسەن تابىلىپ، تۋىستارىنا تاپسىرىلدى. بۇرىن حابارلانعانداي، ءىز-ءتۇزسىز جوعالعان ازاماتتىڭ مەكەن- جايىن انىقتاۋ ءۇشىن ارنايى ىزدەۋ توبى قۇرىلعان ەدى»، - دەپ حابارلادى الماتى قالالىق پوليتسيا دەپارتامەنتىنىڭ باسپا ءسوز قىزمەتى.

سپورتشىنىڭ قايدا جۇرگەنى تۋرالى ايتىلماعان.

بۇعان دەيىن بەلگىلى بوكسشى 14-جەلتوقساندا ۇيىنەن بەلگىسىز باعىتقا شىعىپ، قايتا ورالماعانى تۋرالى جازعان بولاتىنبىز.

ەسكە سالايىق، بۇعان دەيىن الماتىدا اتى اڭىزعا اينالعان بوكسشى سەرىك نۇرقازوۆ ءىز-ءتۇزسىز جوعالىپ كەتكەنى حابارلانعان ەدى.

سەرىك نۇرقازوۆ 1980 -جىلدارى ك س ر و قۇراماسىندا بولعان. ول - 1981 -جىلى تامپەرەدە وتكەن ەۋروپا چەمپيوناتىنىڭ قولا جۇلدەگەرى، 1983 -جىلى ريمدە وتكەن الەم چەمپيوناتىنىڭ كۇمىس جۇلدەگەرى، 1983 -جىلى ۆارنادا وتكەن ەۋروپا چەمپيونى، قازاقستان مەن ك س ر و-نىڭ بىرنەشە دۇركىن چەمپيونى. 1984 -جىلى «ۇزدىك بوكسشى» اتاعى بەرىلدى. قازاقستاندىقتى بوكس پروفەسسورى اتاعىن العان. كوپتەگەن تاجىريبەلى جانكۇيەر ونى ءالى كۇنگە دەيىن كەڭەستىك بوكس تاريحىنداعى ەڭ تەحنيكالىق جاۋىنگەرلەردىڭ ءبىرى دەپ سانايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى