الماتىدا بيىل قانشا شاقىرىم ۆەلوجول سالىنادى

قالالىق موبيلدىلىك باسقارماسىنىڭ حابارلاۋىنشا، 2024-جىلى ساين -موڭكە ءبي جولايرىعىن سالۋ اياسىندا 2,4 شاقىرىم ۆەلوجول جابدىقتالدى.

- بيىل اباي داڭعىلىن قالا شەكاراسىنا دەيىن جانە ساين كوشەسىن رىسقۇلوۆ داڭعىلىنان موڭكە ءبي كوشەسىنە دەيىن ۇزارتۋ اياسىندا 7,2 ك م ۆەلوجول سالىنادى. سونداي-اق، رايىمبەك باتىر داڭعىلى بويىنشا BRT جەلىسىن سالۋ اياسىندا شامامەن 15 شاقىرىمدى جابدىقتاۋ جوسپاردا. جالپى، ۆەلوينفراقۇرىلىمدى جۇيەلى دامىتۋ 2030-جىلعا دەيىنگى كولىك قاڭقاسىنىڭ ماستەر-جوسپارىندا كوزدەلگەن، - دەپ اتاپ ءوتتى باسقارمادان.

الماتى قالاسىندا 89 شاقىرىم ۆەلوينفراقۇرىلىم بار. ونىڭ ىشىندە: ۆەلوجولاقتار - 25 ك م، ۆەلوجولدار - 63,8 ك م.

ودان بولەك قالا بويىنشا ۆەلو-سەكسياسى بار 73 باعدارشام جانە ۆەلوسيپەدشىلەرگە ارنالعان 1025 جول بەلگىسى بار.

وسىعان دەيىن الماتى قالاسى بويىنشا ۆەلوسپورت فەدەراتسياسىنىڭ پرەزيدەنتى باحتيار مامىروۆ مەگاپوليستە ۆەلوجولداردى كوبەيتۋ قاجەت ەكەنىن ايتقان بولاتىن.

ەسكە سالايىق، بۇعان دەيىن الماتىدا وسى جىلى جول ينفراقۇرىلىمىنا بايلانىستى قانداي جوبالار باستالاتىنىن جازعانبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى