الماتىدا بيىل 2 مىڭعا جۋىق شەتەلدىك دەپورتاتسيالاندى
الماتى. KAZINFORM - الماتىدا زاڭسىز جۇمىس ىستەۋگە كەلەتىن شەتەلدىكتەر كوبەيگەن. بۇل تۋرالى الماتى قالاسىنىڭ پوليتسيا دەپارتامەنتى حابارلادى.
پوليتسيا مالىمەتىنە سايكەس، جىل باسىنان بەرى الماتىدا 14712 شەتەل ازاماتى قازاقستان رەسپۋبليكاسىنىڭ كوشى-قون زاڭناماسىن بۇزعاندارى ءۇشىن اكىمشىلىك جاۋاپكەرشىلىككە تارتىلعان. ال 1737 شەتەلدىك قۇقىقبۇزۋشى سوتتىڭ شەشىمىمەن ەلدەن دەپورتاتسيالانعان.
- الماتىعا زاڭسىز جۇمىس ىستەۋگە كوبىنەسە كورشىلەس قىرعىزستان، وزبەكستان، تاجىكستان، سونداي-اق افريكا قۇرلىعى ەلدەرىنىڭ ازاماتتارى كەلەدى. ولار كۇرىلىس، قىزمەت كورسەتۋ، ساۋدا- ساتتىق، تاماقتاندىرۋ سالالارىندا جۇمىس ىستەيدى، - دەپ حابارلادى قالالىق پ د باسپا ءسوز قىزمەتى.
الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ مالىمەتىنە سايكەس، وتكەن جىلى الماتىدا زاڭدى تۇلعالارعا شەتەلدەن جۇمىس كۇشىن تارتۋعا 1242 كۆوتا بولىنسە، بيىل 832 بىرلىك رۇقسات بەرىلگەن.
ال، 2024 -جىلعى 1-قىركۇيەكتەگى جاعداي بويىنشا جەرگىلىكتى اتقارۋشى ورگانداردىڭ رۇقساتىمەن قازاقستان اۋماعىندا 14346 شەتەل ازاماتى ەڭبەك ەتەدى.
ەڭبەك ميگرانتتارى كەلەتىن نەگىزگى ەلدەر: قىتاي - 3267 ادام، وزبەكستان - 2080 ادام، تۇركيا - 946 ادام، ءۇندىستان - 885 ادام.
