الماتىدا بيبىگۇل تولەگەنوۆانىڭ 95 جىلدىق مەرەيتويى اتاپ ءوتىلدى
استانا. KAZINFORM — الماتىدا بيبىگۇل تولەگەنوۆانىڭ 95 جىلدىق مەرەيتويىنا ارنالعان كونسەرت ءوتتى، دەپ حابارلايدى قالا اكىمدىگىنىڭ باسپا ءسوز قىزمەتى.
رەسپۋبليكا سارايىندا وپەرا جانە كينو ونەرىنىڭ ءتىرى اڭىزى، حالىق ءارتيسى ءارى ۇستاز بيبىگۇل تولەگەنوۆانىڭ مەرەيتويىنا ارنالعان كونسەرت ءوتتى.
بيىل 95 جاسقا تولعان ايگىلى ونەرپاز 75 جىلىن ساحناعا ارناپ، قازاقستاننىڭ رۋحاني ونەرىنىڭ سيمۆولىنا اينالدى.
ايتا كەتەيىك، بۇعان دەيىن، 16-جەلتوقسان — اڭىزعا اينالعان وپەرا ءانشىسىنىڭ تۋعان كۇنىندە، الماتى اكىمى ەربولات دوسايەۆ بيبىگۇل تولەگەنوۆانى مەملەكەت باسشىسى قاسىم-جومارت توقايەۆتىڭ اتىنان 95 جىلدىق مەرەيتويىمەن قۇتتىقتادى.
سونىمەن قاتار، ءانشى ديماش قۇدايبەرگەن دە بيبىگۇل تولەگەنوۆانى مەرەيتويىمەن قۇتتىقتاعاندار قاتارىندا بولدى.
مەرەيتوي الدىندا Kazinform ءتىلشىسى ءانشىنىڭ وزىمەن سۇحباتتاسقان بولاتىن. سۇحبات بارىسىندا بيبىگۇل تولەگەنوۆا ديماشتىڭ جاسى ودان كىشى بولعانىمەن جولى ۇلكەن ەكەنىن ايتقان ەدى.
بۇدان بولەك، استانادا بيبىگۇل تولەگەنوۆانىڭ 95 جاسقا تولۋىنا وراي سالتاناتتى كونسەرت ءوتتى.
