الماتىدا بۇرىنعى جوعارى شەندى پوليتسەي ۇستالدى
استانا. KAZINFORM - الماتىدا قالالىق پوليتسيا دەپارتامەنتى ەسىرتكى قىلمىسىنا قارسى كۇرەس باسقارما باستىعىنىڭ بۇرىنعى ورىنباسارى ۇستالدى.
بۇعان دەيىن الەۋمەتتىك جەلىلەردە ەسىرتكىگە قارسى كۇرەس باسقارما باستىعىنىڭ بۇرىنعى ورىنباسارى ۇستالدى دەگەن اقپارات پايدا بولعان. ول الماتىداعى ەسىرتكى زەرتحانالارىنىڭ بىرىندە سينتەتيكالىق ەسىرتكى وندىرۋگە كومەكتەستى دەگەن كۇدىككە ىلىنگەن.
الماتى پوليتسيا دەپارتامەنتى بۇرىنعى قىزمەتكەرىنىڭ ۇستالعانى تۋرالى اقپاراتتى راستادى. پوليتسەيلەر بۇل قىزمەتكەردىڭ بيىل قازاندا ىشكى ىستەر ورگاندارىنان جۇمىستان بوساتىلعانىن ايتتى. ونىڭ جۇمىستان بوساتىلۋى كەزەكتەن تىس اتتەستاتتاۋدىڭ ناتيجەسىندە بولدى، ونىڭ بارىسىندا ول لاۋازىمىنا سايكەس ەمەس دەپ تانىلدى.
ايتا كەتەيىك، بۇعان دەيىن سولتۇستىك قازاقستان وبلىسىندا ۇيىمداسقان قىلمىسقا قارسى كۇرەس دەپارتامەنتى باستىعىنىڭ بۇرىنعى ورىنباسارى ۇستالعان بولاتىن. ول بىرنەشە رەت پارا الدى جانە ۇيىمداسقان قىلمىستىق توپتارعا قامقورلىق جاسادى دەگەن كۇدىككە ءىلىندى.
