الماتىدا اۋىر ماشينا جاساۋ زاۋىتىنىڭ جىلجىمايتىن مۇلكى زاڭسىز ساتىلعان

الماتى قالاسى پروكۋراتۋراسىنىڭ مالىمەتىنشە، بۇعان دەيىن قاداعالاۋ ورگانى زاۋىت مۇلكىن زاڭسىز ساتۋ فاكتىلەرىن انىقتاعان.

قالا پروكۋراتۋراسىنىڭ قاداعالاۋ اكتىسىن ورىنداۋ شەڭبەرىندە مەملەكەتتىك مۇلىك جانە جەكەشەلەندىرۋ كوميتەتى سوتقا مامىلەلەردى جارامسىز دەپ تانۋ تۋرالى تالاپ-ارىزبەن جۇگىندى.

- تالاپ-ارىزدىڭ مازمۇنى زاۋىتقا 37 گ ا استام جەر ۋچاسكەسىن جانە جالپى اۋدانى 79966 شارشى مەتر بولاتىن 94 تۇرعىن ەمەس ءۇي-جايدى قايتارۋعا بايلانىستى بولدى. سوت تالاپكەردىڭ تالاپتارىن قاناعاتتاندىردى، اپەللياتسيالىق ساتى شەشىمدى كۇشىندە قالدىردى، - دەپ حابارلايدى پروكۋراتۋرادان.

ايتا كەتەيىك، «الماتى اۋىر ماشينا جاساۋ زاۋىتى» 1941 -جىلى نەگىزى قالانعان ءىرى كاسىپورىن. العاشىندا سوعىسقا قاجەتتى ءونىم شىعارعان ءوندىرىس 1946 -جىلدان باستاپ بەيبىت ماقساتتاعى ميسسياعا كوشكەن. سول جىلداردان باستاپ مەتاللۋرگياعا قاجەتتى قۇرال-جابدىق ءوندىرىسى جولعا قويىلىپ كەلەدى.

2022 -جىلى «نوماد» تۇرعىن ءۇي كەشەنىندە تۇراتىن الماتىلىقتار اكىمنەن اۋىر ماشينا جاساۋ زاۋىتىنىڭ جۇمىسى تۇرعىنداردىڭ دەنساۋلىعىنا زيانىن تيگىزىپ جاتقاندىقتان ونى قالا سىرتىنا كوشىرۋدى سۇراعان بولاتىن.

اۆتور

الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى