الماتىدا ايەلدىڭ باسىن كەسىپ العان ەر ادامعا سوت ۇكىمى وزگەرىسسىز قالدى
الماتىدا بيىل كوكتەمدە ايەلدىڭ باسىن كەسىپ العان ەر ادامعا قاتىستى قىلمىستىق ءىس اپەللياتسيالىق تارتىپتە قارالدى، دەپ حابارلايدى Kazinform.
بۇعان دەيىن القابيلەر مەن سوت ۇكىمىنە سايكەس ي. اسقان قاتىگەزدىكپەن قاساقانا كىسى ولتىرگەنى ءۇشىن كىنالى دەپ تانىلىپ، وعان 20 جىل باس بوستاندىعىنان ايىرۋ جازاسى تاعايىندالعان بولاتىن. ەندى سوتتتالۋشىدان سوت ۇكىمىنە قاتىستى اپپەلياتسيالىق شاعىم ءتۇستى.
«سوتتالۋشى ي. وتباسىلىق جانە ومىرلىك قيىن جاعدايدا، ونىمەن ارى قاراي قارىم-قاتىناستا بولعىسى كەلمەيتىن ازاماتتىق جۇبايىنا ماتەريالدىق تاۋەلدى بولا وتىرىپ، ادامدى ولتىرۋگە شەشىم قابىلداعان. ي. قاساقانا كىسى ءولتىرۋدى الدىن-الا جوسپارلاپ، جابىرلەنۋشى ا. -نى ناۋبايحاناعا جۇمىسقا ورنالاستىرامىن دەگەن سىلتاۋمەن ونىمەن كەزدەسۋدى بەلگىلەيدى. وسىدان كەيىن پىشاقپەن ايەلدىڭ موينىن جاراقاتتاعان سوڭ، ايەل قايتىس بولادى، كەيىنىرەك ونىڭ باسىن كەسىپ الادى. وسىدان سوڭ سوتتالۋشى بىرگە تۇراتىن ايەلگە اسەر ەتۋ ءۇشىن جابىرلەنۋشىنىڭ باسىن دۇكەندەردىڭ بىرىنە اپارۋ تۋرالى شەشىم قابىلداعان»، - دەپ حابارلادى الماتى قالالىق سوتىنىڭ باسپا ءسوز قىزمەتى.
الماتى قالالىق سوتىنىڭ قىلمىستىق ىستەر جونىندەگى سوت القاسى تاراپتاردىڭ دالەلدەرى مەن ءىس بويىنشا دالەلدەمەلەردى زەردەلەپ، ءبىرىنشى ساتىداعى ۇكىمدى وزگەرىسسىز، اپەللياتسيالىق شاعىمداردى قاناعاتتاندىرۋسىز قالدىرۋ تۋرالى قورىتىندىعا كەلدى.
