الماتىدا 90 جىلدىق تاريحى بار سپورت مەكتەبى سۇرىلەدى
الماتى. KAZINFORM - الماتىدا 1935-جىلى سالىنعان مەكتەپ- ينتەرناتى سۇرىلەدى. بۇل تۋرالى الماتى اكىمى ەربولات دوسايەۆ ايتتى.
مەگاپوليس باسشىسى المالى اۋدانىنىڭ تۇرعىندارىمەن كەزدەسۋى بارىسىندا دوسمۇحامەدوۆ، 61 مەكەنجايىندا ورنالاسقان سپورت مەكتەبى تۋرالى سۇراققا جاۋاپ بەردى.
ەربولات دوسايەۆتىڭ ايتۋىنشا، 1935 - جىلى سالىنعان سپورتتاعى دارىندى بالالارعا ارنالعان مامانداندىرىلعان مەكتەپ-ينتەرناتىنىڭ قازىرگى كۇيى ناشار. سوندىقتان ونىڭ ورنىنا جاڭا عيمارات سالىنادى. قازىرگى ۋاقىتتا جوبالاۋ-سمەتالىق قۇجاتتاما ازىرلەنىپ جاتىر.
- بۇل عيمارات بۇزىلادى. بىزگە بۇل نىسان ساۋلەت ەسكەرتكىشىنە جاتاتىنىن ايتقاندار بولدى. ءبىراق بالالاردى مۇنداي «ساۋلەت ەسكەرتكىشىندە» ۇستاۋعا بولمايتىنى انىق. اسىرەسە، سپورت مەكتەپتەرىندە. مەملەكەتتىك ساراپتامانىڭ جاۋابىن العاننان كەيىن بايقاۋ وتكىزەمىز، قاراجات قاراستىرىلعان، - دەدى قالا اكىمى.
ەسكە سالايىق، بىلتىر ەربولات دوسايەۆ الداعى 3 جىلدا سپورت مەكتەپتەرى جاڭارتىلاتىنىن ايتقان ەدى.
