الماتىدا 7 بالدىق جەر سىلكىنىسىنىڭ جويقىن سالدارى بولۋى مۇمكىن- سەيسمولوگ
الماتىدا جەر سىلكىنىسى 7 بالدان جوعارى بولسا، قاۋىپتى دەپ ساناۋعا بولادى. بۇل تۋرالى ق ر ت ج م سەيسمولوگيالىق باقىلاۋ جانە زەرتتەۋ ۇلتتىق عىلىمي ورتالىعى ديرەكتورىنىڭ ورىنباسارى نۇرسارسەن وزبەكوۆ ايتتى، دەپ حابارلايدى Kazinform.
«بۇل ماسەلەگە قاتىستى قازىردىڭ وزىندە سەيسمولوگتار ازىرلەگەن حالىقارالىق شكالا بار- م س ك-64 شكالاسى. وسى شكالا بويىنشا عيماراتتار مەن قۇرىلىستاردىڭ ايتارلىقتاي ءبۇلىنۋى 7 بالدان باستالادى. سوندىقتان الماتى قالاسى ءۇشىن جەردىڭ جاعدايىن ەسكەرە وتىرىپ، 7 بالدان جوعارى جەر ءدۇمپۋىن قاۋىپتى جانە جويقىن دەپ ساناۋعا بولادى»، - دەدى نۇرسارسەن وزبەكوۆ الماتى قالالىق توتەنشە جاعدايلار دەپارتامەنتىندە وتكەن بريفينگىدە.
سەيسمولوگتىڭ سوزىنشە، 7 بالعا دەيىنگى جەر سىلكىنىسى قالا ءۇشىن قاۋىپتى ەمەس.
«2-3 بال جەر سىلكىنىسى سەزىلەدى. 4-5 بال - عيمارات سىلاقتارىن ءتۇسىرىپ، زاقىمدايدى. بۇل قاۋىپتى ەمەس. 7 بالدان باستاپ شارا قولدانۋ كەرەك، بارلىق عيماراتتى جەر استى ءدۇمپۋى اسەرىنە قاراي ەسەپتەپ، دايىنداۋ كەرەك»، - دەدى مامان.
اۆتور
الما مۇقانوۆا
