الماتىدا 25 مىڭنان استام شەتەلدىك اۆتوكولىك زاڭداستىرىلدى
الماتىدا شەتەلدىك 25072 اۆتوكولىك زاڭداستىرىلدى، دەپ حابارلايدى Kazinform.
الماتى قالالىق پوليتسيا دەپارتامەنتىنىڭ مالىمەتىنشە، الماتىدا مەملەكەت باسشىسىنىڭ تاپسىرماسىنا سايكەس، 2022 -جىلدىڭ 1-قىركۇيەگىنە دەيىن ەلىمىزگە اكەلىنگەن شەتەلدىك كولىكتەردى ءبىر رەتتىك زاڭداستىرۋ جۇمىستارى جۇرگىزىلىپ جاتىر.
«بيىلعى جىلدىڭ 23-قاڭتارىنان باستاپ مۇنداي كولىكتەردى مەملەكەتتىك تىركەۋ جۇرگىزىلۋدە. ماسەلەن، وسى ناۋقان باستالعالى الماتىدا 25 مىڭ 72 كولىك تىركەلگەن. بۇل جۇمىس بيىل 31 جەلتوقسانعا دەيىن زاڭداستىرۋ تالاپتارىنا ساي كەلەتىن كولىكتەر بويىنشا جۇرگىزىلىپ جاتىر»، - دەدى الماتى قالالىق پوليتسيا دەپارتامەنتىنىڭ اكىمشىلىك پوليتسيا باسقارماسىنىڭ باستىعى اسحات قۇلبايەۆ.
ەسكە سالايىق، وتكەن جىلى شەتەلدىك اۆتوكولىكتەردى زاڭداستىرۋ ءتارتىبىن بەلگىلەيتىن ۇكىمەت قاۋلىسى ازىرلەنگەن بولاتىن.
