الماتىدا 2 كۇندە ماساڭ كۇيدە كولىك باسقارعان 30 جۇرگىزۋشى ۇستالدى
الماتى. KAZINFORM - الماتىدا دەمالىس كۇندەرى جول قوزعالىسى ەرەجەلەرىن ورەسكەل بۇزۋ فاكتىلەرىن انىقتاۋعا باعىتتالعان كەڭ اۋقىمدى رەيد ۇيىمداستىرىلدى.
الماتى قالاسى پوليتسيا دەپارتامەنتىنىڭ مالىمەتىنشە، سەنبى-جەكسەنبى كۇندەرى ماس كۇيىندە كولىك باسقارعان 27 جۇرگىزۋشى ۇستالعان. سوت ولاردىڭ ءارقايسىسىنا قاتىستى اكىمشىلىك جازا تاعايىنداپ، كەمىندە 15 تاۋلىككە قاماۋعا الۋ جانە 7 جىلعا كولىك باسقارۋ قۇقىعىنان ايىرۋ تۋرالى شەشىم شىعاردى.
- تاجىريبە كورسەتكەندەي، ەسىرتكى نەمەسە الكوگول قولدانعان جۇرگىزۋشىلەر ءالى دە كەزدەسەدى. مۇنداي جاعدايلاردا ءجيى كەزدەسەتىن سسەناري: ءبىر توپ ادام بىرگە ىشىمدىك ىشەدى، سودان جۇرگىزۋشى اشى سۋ ۇرتتاعانىنا قاراماستان ۇيىنە كولىكپەن قايتادى. ول وزىنە تىم سەنىمدى بولىپ، ەش قيىندىقسىز جەتە الاتىنىنا سەنەدى. الايدا وكىنىشكە قاراي، مۇنداي جاعدايلار كوبىنەسە جول اپاتىمەن اياقتالىپ جاتادى، - دەدى الماتى قالاسى پ د جەرگىلىكتى پوليتسيا قىزمەتى باسقارماسىنىڭ باسشىسى سەرىك شۋمايەۆ.
دەمالىس كۇندەرى جول قوزعالىس ەرەجەلەرىن ورەسكەل بۇزۋدىڭ وزگە دە دەرەكتەرى انىقتالدى. اتاپ ايتقاندا، جۇرگىزۋ قۇقىعى جوق ادامنىڭ كولىك جۇرگىزۋى – 1، قاراما-قارسى قوزعالىس جولاعىنا شىعۋ - 16، مانيەۆر جاساۋ ەرەجەسىن بۇزۋ - 20,، اپاتتىق جاعداي تۋىنداتۋ – 10، كولىكتى تۇراققا قويۋ ەرەجەسىن بۇزۋ – 20، مەملەكەتتىك تىركەۋ ءنومىرى جوق كولىك قۇرالىن باسقارۋ - 2.
ەسكە سالايىق، بۇعان دەيىن الماتىدا جول اپاتىنان جاياۋ جۇرگىنشى مەرت بولعانىن جازعانبىز.
اۆتور
دوسبول اتاجان
