الماتىدا 15 ادامدى الداعان ايەل ۇستالدى
الماتى وبلىسىنىڭ 38 جاستاعى تۇرعىنى 15 ادامدى الداعان، - دەپ حابارلايدى ءوڭىرىڭ پوليتسيا دەپارتامەنتى.
ۆەدومستۆو مالىمەتىنشە، جىلجىمايتىن مۇلىك سالاسىندا الاياقتىق جاسادى دەگەن كۇدىكپەن 1985 -جىلى تۋعان ك. ۇستالعان.
«ايەل «تۇرعىن ءۇيدى جالعا بەرۋ» بيزنەسىمەن اينالىسقان، پاتەر جالداعان. مەنشىك يەلەرىمەن كەلىسىم-شارت جاسالعاننان كەيىن پاتەردى باسقا ادامدارعا «ۇزاق ۋاقىتقا» جالعا بەرگەن. «پاتەر يەسىنىڭ» جالعىز شارتى الدىن الا تولەم جاساۋ نەمەسە تۇرۋ اقىسىن تولىق تولەۋ بولعان. ال سومالار 150 دەن 400 مىڭ تەڭگەگە دەيىن وزگەرىپ وتىرعان. جەدەل ۋاكىلدەر بۇل قىلمىستاردى جاساعان كۇدىكتىنى انىقتادى جانە ۇستادى. ءبىرقاتار الاياقتىق دەرەگى بويىنشا قىلمىستىق ءىس تىركەلدى»، - دەدى بوستاندىق اۋداندىق پوليتسيا باسقارماسىنىڭ باستىعى، پوليتسيا پولكوۆنيگى ماقسات قاناپيايەۆ.
ال ۇستالعان ادام وسىعان ۇقساس قىلمىستار جاساعانى ءۇشىن بۇرىن سوتتى بولعانى انىقتالعان.
