الماتىدا 133 مىڭنان استام وقۋشى تەگىن تاماقتانادى
الماتى. Kazinform- جاڭا وقۋ جىلىندا الماتىنىڭ 133 مىڭنان استام وقۋشىسى تەگىن ىستىق تاماقپەن قامتىلادى. الماتى اكىمىنىڭ ورىنباسارى اسەم ءنۇسىپوۆانىڭ ايتۋىنشا، وقۋشىلاردىڭ تاماعىنا جەرگىلىكتى بيۋدجەتتەن 16,5 ميلليارد تەڭگە ءبولىندى.
«حالىقتىڭ الەۋمەتتىك وسال توپتارىنان شىققان بالالار ءۇشىن تاماقتانۋ تەگىن بولادى، بۇل جەردە 1-11-سىنىپ وقۋشىلارى قامتىلادى»، - دەدى اسەم ءنۇسىپوۆا.
ول سونداي-اق تاماقتانۋ قۇنى 840 تەڭگە ەكەنىن اتاپ ءوتتى.
«دۇرىس تەڭدەستىرىلگەن تاماقتانۋ - ءبىزدىڭ بالالارىمىزدىڭ دەنساۋلىعى مەن تابىسىنىڭ كەپىلى»، - دەپ تولىقتىردى ول.
ايتا كەتەيىك، مەگاپوليستە 2022 -جىلدان بەرى الەۋمەتتىك مارتەبەسىنە قاراماستان 1-4-سىنىپ وقۋشىلارى تەگىن تاماقپەن قامتاماسىز ەتىلەدى.
اۆتور
الما مۇقانوۆا
