الماتىعا ازيا ويىندارىنىڭ جۇلدەگەرلەرى ورالدى
الماتى. KAZINFORM - ازيا ويىندارىندا باق سىناعان ۇلتتىق قۇراما مۇشەلەرىنىڭ العاشقى دەلەگاتسياسى ەلگە ورالدى.
الماتىلىقتار مەگاپوليستىڭ حالىقارالىق اۋەجايىندا IX قىسقى ازيا ويىندارىنىڭ چەمپيونى ءارى كۇمىس جۇلدەگەرى شەرزود حاشيربايەۆتى، كۇمىس جۇلدەگەر ەۆگەني كوشكين، كۇمىس ءارى ەكى مارتە قولا جۇلدەگەر ايانا جولداس، كۇمىس جۇلدەگەر اسىلحان اسان، قولا جۇلدەگەر اردانا ماحانوۆا جانە قولا جۇلدەگەر كريستينا سيلايەۆانى سالتاناتتى تۇردە قارسى الدى.
- حاربينگە دايىندىعىمىز اۆستريادان باستالدى. ودان ءارى الماتىدا دايىندالىپ، امەريكاعا الەم كۋبوگىنىڭ كەزەڭىنە قاتىستىق. سوسىن بىردەن وسى ازياداعا جول جۇردىك. ەلدىڭ قولداۋىن جاقسى سەزىندىم. بىزگە قىتايدا تاۋ، تراپلين، اۋا رايى - ءبارى ۇنادى. ناتيجەسى ءبىر التىن جانە ءبىر كۇمىس. ەندى الدا الەم كۋبوگىنىڭ ەتاپتارى بار. ولار الماتىدا، قىتايدا جانە يتاليادا وتەدى. بۇل جارىستارعا قاتىسىپ، جاقسى ناتيجە كورسەتۋگە تىرىسامىز، - دەدى فريستايل-اكروباتيكادان ازيا ويىندارىنىڭ چەمپيونى شەرزود حاشيربايەۆ.
ەسكە سالايىق، بۇعان دەيىن قازاقستاندىق سپورتشىلاردىڭ ازيا ويىندارىنداعى بۇگىنگى ناتيجەسى تۋرالى جازعانبىز.
