الماتى زووباعى 2028 -جىلى جاڭارتىلىپ بىتەدى
الماتى. KAZINFORM - الماتى زووباعىن جاڭارتۋ جۇمىستارى كەزەڭ-كەزەڭىمەن 2028 -جىلعا دەيىن جۇزەگە اسادى. بۇل تۋرالى قالالىق مادەنيەت باسقارماسى Kazinform ساۋالىنا جولداعان جاۋاپتا ايتتى.
باسقارما مالىمەتىنشە، الداعى ۋاقىتتا زووباق جۇمىسىن زامان تالابىنا ساي قايتا جانداندىرىپ، اڭ-قۇستاردى ۇستاۋ جاعدايىن حالىقارالىق تالاپتارعا سايكەس جاقسارتۋ جوسپارلانىپ وتىر.
وسى ماقساتتا الماتى قالاسىنىڭ اۋماعىن دامىتۋ جوسپارى اياسىندا زووباقتى حالىقارالىق ستاندارتتارعا سايكەس زووگەوگرافيالىق پرينتسيپ بويىنشا قايتا جاڭعىرتۋ كوزدەلگەن.
- بيىل جوبالىق-سمەتالىق قۇجاتتامانى ازىرلەۋگە كونكۋرس جاريالانادى. قاجەتتى كونكۋرس راسىمدەرى مەن ساراپتاما قورىتىندىسى شىققان سوڭ مەملەكەتتىك ساتىپ الۋ تۋرالى زاڭعا سايكەس كونكۋرس ناتيجەسى كوپشىلىككە قولجەتىمدى بولادى. جالپى رەكونسترۋكسيا جۇمىسى كەزەڭ-كەزەڭىمەن 2028 -جىلعا دەيىن جۇزەگە اسىرىلادى، - دەپ جازىلعان باسقارما جاۋابىندا.
قازاقستاننىڭ ەڭ كونە حايۋاناتتار باعىنىڭ ءبىرى - الماتى زووباعى. 21 گەكتار جەردى الىپ جاتقان زووباق 1937 -جىلى قۇرىلعان.
زووباقتا جانۋارلاردىڭ 361 ءتۇرى بار. جالپى سانى - 3838. ولاردى 223 قىزمەتكەر كۇتىپ-باعادى.
بىلتىر اڭ-قۇستاردى تاماشالاۋعا 1 ميلليون استام ادام كەلدى.
ەسكە سالايىق، وسىعان دەيىن الماتى زووباعى الاتاۋ قالاسىنىڭ اۋماعىنا كوشىرىلەتىنى جايلى اقپارات پايدا بولعان ەدى.
اۆتور
الما مۇقانوۆا
