الماتى پوليتسياسى 365 كەلى پيروتەحنيكا تاركىلەدى
الماتى. KAZINFORM - الماتى پوليتسياسى «پيروتەحنيكا» جەدەل-الدىن الۋ شاراسى تۋرالى ايتىپ بەردى.
الماتى قالاسى پوليتسيا دەپارتامەنتىنىڭ اكىمشىلىك پوليتسيا باسقارماسى باسشىسىنىڭ ورىنباسارى تيمۋر سەرىك ۇلىنىڭ ايتۋىنشا، قالادا «پيروتەحنيكا» وپەراتسياسى جۇرگىزىلىپ جاتىر.
- قالا اۋماعىندا 145 موبيلدى توپ جۇمىس ىستەيدى. ءبىزدىڭ مىندەتىمىز — قاۋىپتى ونىمدەردى ساتۋدىڭ الدىن الۋ جانە اسىرەسە كامەلەتكە تولماعاندار اراسىندا جاراقات الۋ قاۋپىن بولدىرماۋ، — دەدى تيمۋر سەرىك ۇلى.
19-جەلتوقسانداعى جاعداي بويىنشا پيروتەحنيكالىق ونىمدەردىڭ 141 قورابى جانە بىرنەشە رەت اتىلاتىن «VIP ساليۋت» وتشاشۋلارىنىڭ 125 داناسى تاركىلەندى.
- پيروتەحنيكانى زاڭسىز ساتۋدىڭ 22 فاكتىسى انىقتالدى. تاركىلەنگەن ءونىمنىڭ جالپى سالماعى 365 كەلى. بۇل باعىتتاعى جۇمىس جالعاساتىن بولادى، - دەپ اتاپ ءوتتى پوليتسيا وكىلى.
ايتا كەتەيىك، وسىعان دەيىن س ق و- دا زاڭسىز ساۋدادان 500 دەن استام پيروتەحنيكالىق ءونىم الىنعانى حابارلاندى.
