الماتى وبلىسىنىڭ قاي اۋدانىندا مال ۇرلىعى ءجيى بولادى

وڭىرلىك پوليتسيا مالىمەتىنشە، 2023 -جىلى الماتى وبلىسىندا 296 مال ۇرلىعىنىڭ فاكتىسى تىركەلگەن. 2024 -جىلى بۇل كورسەتكىش %20 عا تومەندەپ، 244 بارىمتاعا قاتىستى ءىس قوزعالعان.

سونداي-اق پوليتسيا دەپارتامەنتىنىڭ جاۋابىنا سايكەس، وبلىستىڭ 9 اۋدانىنىڭ ىشىندە مال ۇرلىعىنىڭ ەڭ كوپ تىركەلگەن ايماعى - مال شارۋاشىلىعى قارقىندى دامىعان جامبىل اۋدانى.

- تالداۋ كورسەتكەندەي، ۇرلىقتىڭ باسىم بولىگى مال قاراۋسىز قالعان بوس جايىلىمداردا بولادى. وسىعان وراي، الماتى وبلىسىنىڭ پوليتسياسى مال يەلەرىنە قاۋىپسىزدىك شارالارىن كۇشەيتۋدى ۇسىنادى. اتاپ ايتقاندا، قورشالعان جايىلىمداردى پايدالانۋ، تۇنگى كەزەكشىلىك ۇيىمداستىرۋ جانە بەينەباقىلاۋ جۇيەلەرىن ورناتۋ قاجەت، - دەپ ەسكەرتەدى دەپارتامەنتتەن.

جالپى پوليتسيا مالىمەتىنشە، 2024 -جىلى ۇرلانعان 166 باس مال زاڭدى يەلەرىنە قايتارىلعان.

ەسكە سالايىق، ەلىمىزدە مال ۇرلىعى 30,5 پايىزعا ازايعان. 2024 -جىلى ەلىمىزدە 1026 مال ۇرلىعى بولسا، قىلمىستىڭ جارتىسىنان كوبىن جايىلىمدا بولعان.

بۇعان دەيىن الماتى وبلىسىندا ءبىر توپ بارىمتاشى مالدى جايىلىمدا سويىپ، ەتىن اكەتىپ وتىرعانىن جازعانبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى