الماتى وبلىسىندا سۋ تاسىدى
2024 -جىلعى 21-ناۋرىزدا ساعات 21:00 شاماسىندا كۇننىڭ جىلىنۋى مەن قاردىڭ تەز ەرۋى سالدارىنان كەگەن- نارىنكول تاس جولىنىڭ 60 ك م (40 م) جانە 72 ك م (40 م) (قاينار جانە تەكەس اۋىلى، رايىمبەك اۋدانى، IV سانات) جول بولىگىندە سۋ تاسقىنى ورىن الدى.
«قازاۆتوجول» مەكەمەسى باسپا ءسوز قىزمەتىنىڭ حابارلاۋىنشا، جالپى سۋ اعىنىنىڭ ۇزىندىعى 80 م، ال بيىكتىگى 10 س م قۇرادى. كورسەتىلگەن ۋچاسكەگە ديامەترى 1 م بولاتىن سۋ وتكىزگىش قۇبىر ورناتىلدى. جاعدايدى قالىپقا كەلتىرۋ ءۇشىن 10 قىزمەتكەر مەن 4 تەحنيكا جۇمىلدىرىلدى.
«قازىرگى تاڭدا ەرىگەن سۋدى اعىزۋ، ۋاقىتشا جول بەلگىلەرىن ورناتۋ جانە جول بولىگىن تازالاۋ جۇمىستارى جۇرگىزىلۋدە. جول تاۋلىك بويى باقىلاۋعا الىندى. جول قوزعالىسىنا شەكتەۋلەر جوق»، - دەلىنگەن حابارلامادا.
اۆتور
ايدار وسپاناليەۆ
