الماتى وبلىسىندا ەر ادامدى 12 رەت پىشاقتاپ ولتىرگەن كۇدىكتى ۇستالدى
قونايەۆ. KAZINFORM - الماتى وبلىسىنىڭ ەسىك قالاسىندا اسا قاتىگەزدىكپەن ادام ءولتىرۋ فاكتىسى تىركەلدى.
الەۋمەتتىك جەلىدە 4-شىلدە كۇنى ەسىكتەگى جانارماي قۇيۋ بەكەتىنىڭ ماڭىندا ەكى جىگىت سوزگە كەلىپ، ونىڭ اياعى ادام ولىمىنە اكەلگەنى جايىندا اقپارات تارادى. ەر ادام ەكىنشىسىن 12 رەت پىشاقتاعان، سالدارىنان 1995-جىلى تۋعان جىگىت قايتىس بولدى.
الماتى وبلىستىق پوليتسيا دەپارتامەنتىنىڭ باسپا ءسوز قىزمەتى اتالعان فاكت بويىنشا، قىلمىستىق ءىس قوزعالعانىن مالىمدەدى.
«كىسى ولىمىنە قاتىستى قىلمىستىق ءىس قوزعالدى. وقيعانىڭ ءمان-جايىن انىقتاۋعا باعىتتالعان كەشەندى جەدەل-تەرگەۋ ءىس-شارالارى جۇرگىزىلىپ جاتىر. كۇدىكتى انىقتالىپ، ۋاقىتشا ۇستاۋ يزولياتورىنا قامالدى، - دەلىنگەن حابارلامادا.
