الماتى وبلىسىندا ەر ادام اتىس شىعاردى
استانا. KAZINFORM - الماتى وبلىسىندا ەر ادام تۇرعىندارعا وق جاۋدىردى. سالدارىنان 3 ادام جارالاندى. وقيعا 27-قازاندا قونايەۆ ماڭىندا بولعان.
بۇعان دەيىن جەلىدە مالشى ماس كۇيىندە جولداستارىنا مىلتىقپەن وق اتقانى تۋرالى اقپارات پايدا بولعان. زارداپ شەككەندەر اۋرۋحاناعا جەتكىزىلدى. ولاردىڭ ەكەۋى مەديتسينالىق كومەك كورسەتىلگەننەن كەيىن ۇيلەرىنە جىبەرىلدى، ءبىر جابىرلەنۋشى اۋرۋحاناعا جاتقىزىلدى.
«ادام ولتىرۋگە وقتالۋ دەرەگى بويىنشا قىلمىستىق ءىس قوزعالدى، پوليتسيا قىزمەتكەرلەرى جەدەل ىزدەستىرۋ شارالارىن جۇرگىزۋ بارىسىندا 39 جاستاعى كۇدىكتىنى انىقتاپ، ۋاقىتشا ۇستاۋ يزولياتورىنا قامادى»، - دەپ حابارلايدى الماتى وبلىسىنىڭ پوليتسيا دەپارتامەنتى وكىلدەرى.
