الماتى وبلىسىندا قىزمەتتىك يتتەردىڭ كومەگىمەن قانشا اۋىر قىلمىستار اشىلدى
استانا. KAZINFORM - الماتى وبلىسىندا بيىل قىزمەتتىك يتتەر كومەگىمەن 105 قىلمىستىڭ بەتى اشىلدى.
«ءتورت اياقتى پوليتسەيلەر» ەڭ قيىن جاعدايلاردا دا ءتيىمدى جۇمىس ىستەي الاتىنداي قاتاڭ جاتتىعۋلاردان وتەدى. ولاردىڭ يىستەردى اجىراتا ءبىلۋ، جاسىرىن ەسىرتكىنى نەمەسە قارۋدى انىقتاۋ، ىزدەردى تابۋ قابىلەتى قىلمىستاردى اشۋعا كومەكتەسەدى.
ولاردىڭ ەرەكشە سەزىمى، جىلدام رەاكسياسى جانە ءمىنسىز دايىندىعى جەدەل ءىس-شارالاردا شەشۋشى ءرول اتقارادى. بۇل ءتورت اياقتى سەرىكتەر دالەلدەر تابۋعا، قىلمىسكەرلەردى ۇستاۋعا جانە ازاماتتاردىڭ قاۋىپسىزدىگىن قامتاماسىز ەتۋگە كومەكتەسەدى.
«جىل باسىنان بەرى قىزمەتتىك يتتەردىڭ ارقاسىندا 105 قىلمىستى اشۋعا مۇمكىندىك تۋدى. ولاردىڭ ىشىندە 57 ۇرلىق، 5 توناۋ، ەسىرتكىگە قاتىستى 9 دەرەك جانە 20 ەسىرتكى قىلمىسى بار. ءتورت اياقتى پوليتسەيلەر 899 جەدەل شاراعا قاتىسىپ، قۇقىق قورعاۋ ورگاندارىنىڭ جۇمىسىنا كومەكتەستى»، - دەدى پوليتسەيلەر.
