الماتى وبلىسىندا كۇن 38 گرادۋسقا دەيىن ىسيدى
قوناەۆ. KAZINFORM - الداعى اپتادا الماتى وبلىسىندا اپتاپ ىستىق بولادى. وسىعان بايلانىستى وبلىستىق توتەنشە جاعدايلار دەپارتامەنتى ءوڭىر تۇرعىندارىنا ۇندەۋ جولدادى.
- 12-17-مامىر ارالىعىندا الماتى وبلىسىندا جاۋىن-شاشىن بولمايدى. كۇندىز اۋا تەمپەراتۋراسى 25-30 گرادۋستان 33-38 گرادۋسقا دەيىن كوتەرىلەدى، - دەلىنگەن حابارلامادا.
وسى دەمالىس كۇندەرى الماتى وبلىسىنىڭ تاۋلى اۋداندارىندا قاتتى جاڭبىر كۇتىلەدى. ءوڭىردىڭ باتىسىندا، سولتۇستىگىندە، وڭتۇستىگىندە، تاۋلى اۋداندارىندا نايزاعاي ويناپ، بۇرشاق جاۋادى. سولتۇستىك-شىعىستان، شىعىستان جەل سوعادى، ونىڭ ەكپىنى 15-20 م/س. وبلىستىڭ سولتۇستىگىندە، ورتالىعىندا جوعارى ءورت قاۋىپى ساقتالادى.
سينوپتيكتەردىڭ بولجاۋىنشا، 11- 17-مامىر ارالىعىندا قازاقستاننىڭ وڭتۇستىك جارتىسىندا جانە ورتالىعىندا كۇن قاتتى ىسيدى.
وسىعان دەيىن، بۇگىن ەل اۋماعىندا جەل كۇشەيىپ، داۋىل سوعاتىنى تۋرالى جازعان ەدىك.
