الماتى وبلىسىندا جوعالىپ كەتكەن 3 جاسار قىز ءالى تابىلعان جوق
قونايەۆ. KAZINFORM - الماتى وبلىسى ەڭبەكشىقازاق اۋدانىندا جوعالىپ كەتكەن 3 جاستاعى قىز ءالى ىزدەلىپ جاتىر. بۇل تۋرالى الماتى وبلىسى پوليتسيا دەپارتامەنتىنىڭ باسپا ءسوز قىزمەتى Kazinform ءتىلشىسىنىڭ ساۋالىنا بەرگەن جاۋابىندا ايتتى.
«قىز ءالى تابىلمادى. ونى ىزدەستىرۋ شارالارى ءالى جالعاسىپ جاتىر»، - دەپ جاۋاپ بەردى الماتى وبلىسى پوليتسيا دەپارتامەنتىنىڭ باسپا ءسوز قىزمەتى.
ەسكە سالايىق، 17-ناۋرىز ساعات 16:00 شاماسىندا الماتى وبلىسى ەڭبەكشىقازاق اۋدانى كۇش اۋىلىندا ءۇش جاسار قىزى ۇيىنەن شىعىپ كەتىپ، قايتىپ ورالماعان. قىزدى ىزدەۋگە تىكۇشاق پەن درون جۇمىلدىرىلدى.
الماتى وبلىستىق پوليتسيا دەپارتامەنتىنىڭ باسشىسى باۋىرجان الەنوۆ اتالعان دەرەك بويىنشا ارنايى جاساق ينسپەكتورلارى، كينولوگتار، جەرگىلىكتى پ ب جانە جەدەل ءبولىم قىزمەتكەرلەرىنەن ىزدەستىرۋ توبى قۇرىلعانىن، ارنايى دايىندالعان يتتەر ارقىلى اۋقىمدى ىزدەستىرۋ شارالارى جۇرگىزىلىپ جاتقانىن ايتتى. ىزدەۋ جۇمىستارىنا بارلىعى 245 ادام جۇمىلدىرىلدى.
سونداي-اق پوليتسيا دەپارتامەنتىنىڭ باسپا ءسوز قىزمەتى ىزدەۋ جۇمىستارىنا ۆولونتەرلەر، تەپلوۆيزورى بار دروندار مەن تىكۇشاق تارتىلعانىن حابارلادى.
اۆتور
دۋمان ارعىنگەلدى
