الماتى وبلىسىندا اۆتوبۋس ورتەنىپ كەتتى
الماتى وبلىسىندا ەلەكتر سىمدارىنىڭ قىسقا تۇيىقتالۋىنان جولاۋشىلار اۆتوبۋسى جانىپ كەتتى، دەپ حابارلايدى Kazinform.
ونىڭ ۆيدەوسى الەۋمەتتىك جەلىدە تارادى.
وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنشە، وقيعا 17-قاراشا كۇنى ساعات 16:29-دا بولعان.
«الماتى وبلىسى ت ج د كەزەكشى بولىمىنە ىلە اۋدانى بايسەركە اۋىلىندا جولاۋشىلار اۆتوبۋسىنىڭ جانعانى تۋرالى حابارلاما كەلىپ ءتۇستى. وقيعا ورنىنا دەرەۋ ءورت ءسوندىرۋ بريگاداسى جىبەرىلدى»، - دەپ اتاپ ءوتتى ۆەدومستۆودان.
ءورتتىڭ الدىن-الا سەبەبى - قوزعالتقىش بولىگىندەگى ەلەكتر سىمدارىنىڭ قىسقا تۇيىقتالۋى.
«ءورت جارتى ساعاتتا تولىق ءسوندىرىلدى. ابىروي بولعاندا قۇرباندار مەن زارداپ شەككەندەر جوق. قىزىل جالىندى اۋىزدىقتاۋعا ت ج د 3 قىزمەتكەرى مەن 1 تەحنيكاسى جۇمىلدىرىلدى»، - دەپ قوستى دەپارتامەنتتەن.
Посмотреть эту публикацию в Instagram
