الماتى وبلىسى 90 مىڭ گەكتار جەردى مەملەكەت مەنشىگىنە قايتارماق
قونايەۆ. KAZINFORM - جىل باسىنان بەرى الماتى وبلىسىندا 9 مىڭ گەكتار جەر مەملەكەت مەنشىگىنە قايتارىلدى.
الماتى وبلىسى جەر قاتىناستارى باسقارماسىنان ءمالىم ەتكەندەي، بىلتىر وبلىس اۋماعىندا جالپى الاڭى 89,7 مىڭ گەكتار بولاتىن 357 جەر ۋچاسكەسى مەملەكەت مەنشىگىنە قايتارىلدى.
2025 -جىلى ماقساتى بويىنشا پايدالانىلمايتىن نەمەسە جەر زاڭناماسىن بۇزا وتىرىپ بەرىلگەن اۋىل شارۋاشىلىعى ماقساتىنداعى تاعى 90 مىڭ گەكتار جەردى قايتارۋ جوسپاردا.
- وسى جىلدىڭ باسىنان باستاپ قايتارىلعان جەرلەردىڭ 559,0 گەكتارىنا تيپتىك جالداۋ شارتتارىن جويۋ تۋرالى سوت شەشىمدەرى شىعارىلدى. قالعان 8576,0 گا جەر ۋچاسكەلەرىن يەلەرى ءوز ەركىمەن نەمەسە باسقا زاڭدى پروتسەدۋرالار ارقىلى قايتاردى، - دەپ حابارلادى باسقارمادان.
وسىعان دەيىن الماتى وبلىسىندا 8 سۋ قويماسى مەملەكەتكە قايتارىلعانى تۋرالى جازعان ەدىك.
كەيىن مەملەكەت مەنشىگىنە وتكەن نىساندارعا جوندەۋ جۇمىستارى جۇرگىزىلەتىنى بەلگىلى بولدى.
جوسپاردا دامبالاردى نىعايتۋ، سۋ جىبەرۋ شليۋزدەرىن جوندەۋ، سۋ قويمالارىنىڭ جاعدايىن، اسىرەسە سۋ تاسقىنى كەزەڭىندە، باقىلاۋدى كۇشەيتۋ جانە نىسانداردى تۇراقتى مونيتورينگتەن وتكىزۋ بار.
اۆتور
الما مۇقانوۆا
