الماتى تۇرعىنى كولىگىنىڭ ءنومىرىن ارنايى قۇرىلعىمەن جاسىرعان

الماتى قالالىق پ د جەرگىلىكتى پوليسيا قىزمەتى باسقارماسى باسشىسىنىڭ ورىنباسارى تيمۋر نوعايبايەۆتىڭ ايتۋىنشا، ءسۇيىنباي داڭعىلىندا پاترۋلدىك پوليتسيا قىزمەتكەرلەرى كۇدىك تۋدىرعان كولىكتى توقتاتىپ، تەكسەرۋ بارىسىندا ونىڭ الدىڭعى ءنومىرىن جاسىرىن مەحانيكالىق قۇرىلعى ارقىلى اۋدارىپ وتىراتىنىن انىقتادى.

- قالانىڭ بەينەباقىلاۋ جۇيەسى ارقىلى بۇل كولىككە نازار اۋداردىق. جۇرگىزۋشى ارنايى پۋلتتىڭ كومەگىمەن مەملەكەتتىك ءنومىردى اۋدارىپ، جول قوزعالىسى ەرەجەلەرىن ورەسكەل بۇزعان. بۇل ارەكەت وزگە جول قوزعالىسىنا قاتىسۋشىلار ءۇشىن قاۋىپ ءتوندىردى. زاڭسىزدىقتى انىقتاعان ءتارتىپ ساقشىلارى كولىك يەسىن ۇستادى، - دەدى تيمۋر نوعايبايەۆ.

ايتۋىنشا، سوت شەشىمىمەن قۇقىقبۇزۋشى اكىمشىلىك جاۋاپقا تارتىلدى.

- 27 جاستاعى جۇرگىزۋشى 3 تاۋلىككە قاماۋعا الىنىپ، 1 جىلعا كولىك جۇرگىزۋ قۇقىعىنان ايىرىلدى، - دەپ اتاپ ءوتتى پوليتسيا وكىلى.

ەسكە سالساق، بۇعان دەيىن الماتىدا پيلوتتىق رەجيمدە «سەرگەك» بەينەباقىلاۋ كامەرالارىنىڭ جاڭا فۋنكتسياسىنىڭ ىسكە قوسىلعانى تۋرالى جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى