الماتى مەتروسىنىڭ قۇرىلىسىن جالعاستىرۋ ءۇشىن قارجى كەرەك - دوسايەۆ

الماتىداعى و ك ق بريفينگى بارىسىندا قالا اكىمى ەربولات دوسايەۆ جۋرناليستەردىڭ مەترو جەلىلەرىن قارجىلاندىرۋ جانە سالۋ ءۇشىن قىتايلىق كومپانيالاردى تارتۋ مۇمكىندىگى تۋرالى سۇراقتارىنا جاۋاپ بەردى.

- قالانىڭ كولىك ينفراقۇرىلىمىن قۇرۋ جانە سونىڭ ارقاسىندا ەكولوگيالىق جاعدايدى جاقسارتۋ ءبىز ءۇشىن اسا ماڭىزدى باسىمدىق. نەگىزىندە مەترو، LRT جانە بrت سياقتى جوعارى جىلدامدىقتى قوعامدىق كولىكتى دامىتۋ كوزدەلگەن. ۇكىمەتپەن بىرلەسىپ، ءبىز باتىس باعىتتا - «قالقامان» ستانتسياسىنان «بارلىق» بازارىنا دەيىن 5,3 ك م جانە شىعىس باعىتتا - «جىبەك جولى» ستانتسياسىنان الماتى اۋەجايىنا دەيىن 14 ك م جاڭا مەترو جەلىلەرىن سالۋ ءۇشىن مەملەكەتتىك كەپىلدىكپەن قاراجات الۋ مۇمكىندىگىن پىسىقتاپ جاتىرمىز، - دەپ جاۋاپ بەردى ەربولات دوسايەۆ.

مەگاپوليس اكىمى قازىر مەملەكەتتىك كەپىلدىكتەر الۋ ءۇشىن قۇقىقتىق نەگىز دايىندالىپ جاتقانىن اتاپ ءوتتى. ماسەلەن، جاڭا بيۋجەت كودەكسىندە قارىزدى قارجىلاندىرۋ جانە ونى رەسپۋبليكالىق بيۋجەت قاراجاتى ەسەبىنەن وتەۋ كوزدەلگەن. بۇل تۇزەتۋلەر پارلامەنت سەناتىندا.

- ءبىز قازىر ءتۇرلى حالىقارالىق قارجى ينستيتۋتتارىمەن ەڭ ءتيىمدى شارتتاردى الۋ ءۇشىن كەلىسسوزدەر جۇرگىزىپ جاتىرمىز، مۇمكىن بۇل ۇيىمداردىڭ كونسورتسيۋمى بولار. وسىدان كەيىن كونكۋرستىق شارتتاردا مەردىگەر تاڭدالادى. زاماناۋي تەحنولوگيالار تەزىرەك قۇرۋعا مۇمكىندىك بەرەدى، سوندىقتان ءبىز نورماتيۆتىك مەرزىمدەردى ساقتاي الاتىن سەرىكتەستەردى تاڭدايمىز. ءبىز قۇرىلىستى ەكى جاقتا قاتار باستاۋدى جوسپارلاپ وتىرمىز. مىسالى، «سارىارقا» جانە «باۋىرجان مومىش ۇلى» مەترو ستانتسيالارىنىڭ قۇرىلىسى جوسپارلانعان 3,5 جىلدان 7 جىلعا دەيىن 2 ەسەگە سوزىلدى. «قالقامان» ستانتسياسى بويىنشا 1,9 ك م مەترو جەلىسىنىڭ قۇرىلىسى 2020-جىلدان باستاپ 4 جىل بويى جۇرگىزىلۋدە. ونى 2026-جىلى اياقتايمىز، - دەدى ول.

وسىعان دەيىن الماتىدا مەترو جەلىسى اۋەجايعا دەيىن ۇزارتىلاتىنى تۋرالى جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى