الماتى مەن استانادا ادامنىڭ بەت-ءجۇزىن تانيتىن قانشا باقىلاۋ كامەراسى بار
استانا. KAZINFORM - ىشكى ىستەر مينيسترلىگى «ۆلاست» سايتىنا جىبەرگەن جازباشا جاۋابىندا الماتى مەن استانادا ادامنىڭ بەت-ءجۇزىن تانيتىن 1,8 مىڭنان استام كامەرا بارىن مالىمدەگەن.
«استانادا بەت-الپەتتى تانۋ فۋنكتسياسىن پايدالاناتىن بەينەباقىلاۋ كامەرالارىنىڭ جالپى سانى – 648، ال الماتىدا وسىنداي 1165 كامەرا بار» دەپ جازىلعان مينيسترلىك جاۋابىندا.
ۆەدومستۆونىڭ سوزىنشە، مۇنداي كامەرالار نەگىزىنەن تەرروريستىك قاۋىپ تۇرعىسىنان وسال سانالاتىن نىسانداردا (تەمىر جول ۆوكزالدارى، اۋەجاي، قوناق ءۇي، ساۋدا ورتالىقتارى جانە تاعى باسقا) پايدالانىلادى.
باسىلىم ۆەدومستۆوعا «بۇل جۇيەگە قانشا قاراجات جۇمسالدى؟» دەپ سۇراعان. ءى ءى م- ءنىڭ تۇسىندىرۋىنشە، جوبانى الماتى مەن استانانىڭ جەرگىلىكتى اتقارۋ ورگاندارى جۇزەگە اسىرىپ جاتقاندىقتان مينيسترلىكتىڭ بيۋجەتىندە وعان اقشا قاراستىرىلماعانىن ايتقان.
