الماتى ماڭىندا لاي كوشكىنى ءجۇردى

وبلىس اكىمدىگىنىڭ حابارلاۋىنشا، 2-مامىر كۇنى ساعات 11:20 دا اۋا رايىنىڭ تۇراقسىزدىعىنان تاۋ بەتكەيىنەن توپىراق كوشكىنى ءجۇردى.

«تالعار اۋدانىنا قاراستى بەساعاش اۋىلى بۋراباي كوتتەدج قالاشىعى، باياناۋىل كوشەسى №8 مەكەنجايىنا كولەمى 30 تەكشە مەتر توپىراق وزدىگىنەن سىرعىپ ءتۇستى. قۇرباندار مەن زارداپ شەككەندەر جوق» دەپ حابارلادى اكىمدىكتەن.

الماتى وبلىسى اكىمدىگى بۋراباي كوتتەدج قالاشىعى باياناۋىل كوشەسىندەگى №16 ءۇيدىڭ تۇرعىندارىن كوشكىننەن قورعاۋ ماقساتىندا 2021 -جىلى بيىكتىگى 4 مەتر جانە ۇزىندىعى 144 مەتر تىرەك قابىرعا سالىنعانىن جەتكىزدى.

«وسى تىرەك قابىرعا توپىراق كوشكىنىنىڭ توقتاۋىنا سەبەپ بولدى، وسىلايشا، ادامدار زارداپ شەككەن جوق. جىلىنا ەكى رەت كوشكىن قاۋپى بار كەزەڭدە «قازسەلدەنقورعاۋ» مم ماماندارى قاۋىپتى ۋچاسكەلەردە تۇراتىن تۇرعىندارعا كوشكىننىڭ بولۋ ءقاۋپى تۋرالى حابارلاما جىبەرەدى»، - دەپ اتاپ ءوتتى الماتى وبلىسى اكىمدىگىنىڭ باسپا ءسوز قىزمەتى.

كوشكىن سالدارىن جويۋعا «قازسەلدەنقورعاۋ» مەكەمەسى، توتەنشە جاعدايلار دەپارتامەنتى جانە «قازگيدروسپەتسستروي» ج ش س ماماندارى تارتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى